گاڤ – تایبه‌ت

شانده‌كێ حكومه‌تا ئه‌لمانیا بۆ بجهئیئنانا قانوونا جینۆسایدناساندنا كاره‌ساتا ب سه‌رێ ئێزدیان هاتى سه‌را هه‌ولێر و به‌غدایێ ده‌ن.

حه‌سۆ هورمى، نڤێسه‌ر و چالاكڤانێ ئێزدى بۆ گاڤ گۆت: تۆبیاس لیندێر، وه‌زیرێ ده‌وله‌تێ بۆ كاروبارێن ده‌رڤه‌ ب سه‌رۆكاتیا شانده‌كێ بلند د هه‌یاما 6 حه‌فتیێن بهێت دا دێ سه‌را به‌غدایا پایته‌ختێ ئیراقێ و هه‌ولێرا پایته‌ختێ هه‌رێما كوردستانێ ده‌ن و دێ چه‌ندین كۆمبوونێن گرنگ ل گه‌ل مه‌زنێن ئێزدیان ژى كه‌ن.

هورمى ئاشكراكر، سه‌ره‌دان ژبۆ بجهئینانا هه‌ر 20 خالێن قانوونا جینۆسایدێ یه‌ و حكومه‌تا ئه‌لمانیا جدى یه‌ وان خالێن ل سه‌ر ئه‌ردێ ئیراقێ بێخیته‌ د وارێ بجهئینانێ دا.

بیستى ڤێ مه‌هێ شانده‌كێ ئێزدیان ل گه‌ل میرێ ئێزدیان ل وه‌زاره‌تا ده‌رڤه‌ یا ئه‌لمانیا كۆمبووینه‌ و د كۆمبوونێ دا دوپاتى ل پاراستنا مافێن ئێزدیان ل ئیراقێ هاتیه‌كرن.