نووچه.. بهرى كۆمبوونێ پارتى و ئێكهتى ل سهر 2 خالان رێككهفتینه
گاڤ – تایبهت
بریاره رۆژا شهمبیا بهێت پارتى مهكتهبێن سیاسى یێن پارتى و ئێكهتیێ ل سلێمانیێ كۆمببن، ل گۆرهى زانیاریێن گاڤ: پێشوهخت ههردو ئالى ل سهر 2 خالان رێككهفتینه.
ژێدهرهكێ پارتى بۆ گاڤ راگههاند: شهمبیا بهێت شاندهكێ مهكتهبا سیاسى یا پارتى ب سهرۆكاتیا مهحموود محهمهدى دێ چیته سلێمانیێ و ل گهل شاندهكێ ئێكهتیێ ب سهرۆكاتیا قوباد تالهبانى كۆمبیت.
ژێدهرێ پارتى دبێژیت: گهلهك بابهتێن ههلاویستى و ئالۆز د ناڤبهرا پارتى و ئێكهتى دا ههنه كو د كۆمبوونێ دا دانوستاندن ل سهر بهێتهكرن، لێ وهك دهستپێشخهریا چوونا شاندا پارتى بۆ سلێمانیێ و دهستپێكرنا كۆمبوونێن فهرمى بۆ چارهكرنا كێشهیان، ههردو ئالى رێككهفتینه كو شهرێ میدیایى رابگرن و پشتى كۆمبوونا رۆژا شهمبیێ ژى، تیمێ حكومى یێ ئێكهتیێ ڤهگهریته دهوام و كۆمبوونێن ئاسایی یێن حكومهتێ.