د. فوئاد حسێن بۆ حكومهتا مهغريبێ: ب ساناهى ڤيزهيێ بدهنه ئيراقيان
گاڤ
جێگرێ سهرۆكوهزيرێ ئيراقێ و وهزيرێ دهرڤه داخواز ژ حكومهتا مهغريبێ كر كو ب ساناهى ڤيزهيان بدهته ئيراقيان بۆ سهرهدانا وى وهلاتى.
د. فوئاد حسێن ئهڤرۆ شهمبيێ د پرێس كۆنفرانسهكێ ههڤپشك دا ل گهل ناسر بوريته وهزيرێ دهرڤه يێ مهغريبێ د پهراوێزا ڤهكرنا باليۆزخانهيا مهغريبێ ل بهغدا دا ب ئاوايهكێ فهرمى داخواز ژ حكومهتا مهغريبێ كر كو ئاسانكاريان بۆ سهرهدانا ئيراقيان بۆ مهغريبێ پێشكێش بكهت.
وهزيرێ دهرڤه يێ ئيراقێ ديار ژى كر؛ پشتى 25 سالان، وهزيرێ دهرڤه يێ مهغريبێ سهرهدانا ئيراقێ بۆ ڤهكرنا باليۆزخانهيا مهغريبێ ل ئيراقێ كر.
راگههاند ژى كو ئهو دێ ل ههيڤا گۆلانا بهێت سهرهدانا مهغريبێ كهت.
د سهرهدانێ دا، زێدهبارى ڤهكرنا باليۆزخانهيا مهغريبێ ل بهغدا، دێ ياداشتنامهيهكا لێكتێگههشتنێ ژى بۆ بهێزكرنا پهيوهنديێن دوقولى دناڤبهرا ئيراقێ و مهغريبێ دا هێته ئيمزاكرن.