تويته‌رى تايبه‌تمه‌نديه‌كا گرنگ د به‌رژه‌وه‌نديا بكارهينه‌ران دا راگه‌هاند
بەلاڤ بکە
گاڤ
تويته‌رى تايبه‌تمه‌نديه‌كا نوى د به‌رژه‌وه‌نديا بكارهينه‌ران دا راگه‌هاند و ل گۆره‌ى وێ بكارهينه‌ر دشێن تانه‌لێدانێ ل هه‌مبه‌ر راگرتنا ئه‌كاونتێن وان پێشكێش بكه‌ن.
كۆمپانيا تويته‌رى راگه‌هاند؛ ئێدى بكارهينه‌رێن تۆڕا تويته‌رى دشێن تانه‌لێدانان ل هه‌مبه‌ر راگرتنا ئه‌كاونتێن وان د تويته‌رى دا ل گۆره‌ى ستانداردێن نوى ژ بۆ دوباره ئه‌كتيڤكرنا ئه‌كاونتێن وان پێشكێش بكه‌ن.
ديار ژى كريه؛ ئه‌ڤ تايبه‌تمه‌نديه دێ ژ هه‌يڤا شوباتا بهێت بۆ بكارهينه‌ران به‌رده‌ست بيت.
هه‌روه‌سا ل گۆره‌ى ستانداردێن نوى يێن پشتى ئيلۆن ماسك تۆڕا تويته‌رى كڕى به‌رده‌ست بووين، ئه‌كاونتێن تويته‌رى ناهێنه راگرتن ب تنێ د حاله‌تێن سه‌رپێچيێن مه‌زن و به‌رده‌وام دا بۆ سياسه‌تێن پلاتفۆرمێ نه‌بيت.
تويته‌رى راگه‌هاند كو ئه‌و دێ ژ نوكه وێڤه رێكارێن نوى يێن سڤكتر ل جهێ راگرتنا ئه‌كاونتان وه‌كى سنوورداركرنا گه‌هشتنێ ب تويتێن ل دژى سياسه‌تێن وێ يان داخوازكرن ژ بكارهينه‌ران بۆ ژێبرنا تويتێن ده‌ستنيشانكرى ژ بۆ به‌رده‌واميێ ب بكارئينانا تۆڕێ بكارئينيت.