جاسم سه‌برى

ئەڤ جیاوازیا کەسەکێ رۆژئاڤایی و کەسەکێ جیهانا سیێ ژێک جودا دکەت سەبارەت نەریت و ڕەفتار و هوشیاری و دەروون وهزرکرن ومرۆڤایەتیێ بتنێ سیستەمە ونەزێدەتر .
چونکی د هندەک بارودوخان دا بومە دیاردبیت کو تاکێ رۆژئاڤایی ب هەمی خوەشگوزەرانی و ناز و نیعمەت و پێشکەفتنا پێشەسازی و تەکنولوجی و ڕەوشەنبیری تاکەکێ توندەڕە و ڕەگەز پەرست و بەرەلایە، لێ لژێر سیستەمەکێ رێکخستی یێ سیاسی و جڤاکی و ئابۆری و یاسایی وەک کەسەکێ هوشیار و ڕەوشەنبیر و مرۆڤ دۆست رەفتارێ دکەت و دهێتە پەروەردەکرن.
تاکێن هەر وەلاتەکێ لژێر سایا سیستەمێن سیاسی و جڤاکی و ئابوری و یاسایی دهێنە پەروەردەکرن و هەر تاکەک ڤەرێژا سیستەمەکێ برێڤەبرن و پەروەردەکرنا وەلاتێ خوەیە .
ڕویدانێن سەردەمێ کۆرۆنایێ و جەنگا ئوکراینا سرۆشتێ ڕەسەنێ تاکێ ئەورۆپی نیشانی جیهانێ دا، ڕەگەزپەرستی و توندڕەوی و رەفتارا ب گومان یا وەلاتێن ئەورۆپی زێدەباری هەبوونا مەکینێن مەزنێن ڕاگەهاندا چەواشەکار نەهاتن ڤەشارتن .
ئەم وەک تاکێن رۆژهەلاتی ئەڤێن ئەم ب چاڤەکێ کێم دهێنە دیتن دسەریدا کەسێن پاقژ و مرۆڤ دۆست و میانڕەون لێ لژێر سیستەمێن فاشلێن سیاسی جڤاکی و ئابۆری و یاسایی و لژێر گوشارێن جەنگ و شەران هاتینە پەروەردەکرن، ئەڤ ڕەفتارا ژمە دهێتە دیتن نە کەسایەتیا مەیا ڕەسەنە و دینەموویێ ڤێ ڕەفتارێ سیستەمە .