"ئيران ئه‌گه‌رێ به‌رپابوونا شه‌ڕێن ناڤخۆيى يه ل رۆژهه‌لاتا ناڤه‌راست"
01/28/2023 - 23:40
بەلاڤ بکە
گاڤ
سه‌رۆكێ ئيسرائيلێ ره‌خنه ل وه‌لاتێ ئيرانێ گرتن و دياركر كو ته‌هران ئه‌گه‌رێ به‌رپابوونا شه‌ڕێن ناڤخۆيى يه ل رۆژهه‌لاتا ناڤه‌راست.
ئايزاك هێرزۆگ سه‌رۆكێ ئيسرائيلێ ئه‌ڤرۆ شه‌مبيێ گۆت "ئيران نه ب تنێ ب ئاشكرا بانگه‌شه‌يێ بۆ وێرانكرنا وه‌لاتێ من دكه‌ت، به‌لكو وه‌لاتيێن خۆ ژى يێن داخوازا ئازاديێ و مافێ مرۆڤى دكه‌ن، دكۆژيت".
ديار ژى كر؛ ئيران ئه‌گه‌رێ به‌رپابوونا شه‌ڕێن ناڤخۆيى يه ل رۆژهه‌لاتا ناڤه‌راست.
هێرزۆگ زێده ژى كر: رژێما ئيرانێ يا به‌رده‌وامه د هێرشكرن، نه‌سه‌قامگيركرنا رۆژهه‌لاتا ناڤه‌راست و دانا چه‌كى ب رۆسيا دا.
سه‌رۆكێ ئيسرائيلێ ئه‌ڤرۆ پشكدارى د رۆژا جيهانى يا بيرئينانا هۆلۆكۆستێ دا ل برۆكسل پايته‌ختێ به‌لجيكا كر.
