گاڤ

سه‌رۆكێ حكومه‌تا هه‌رێما كوردستانێ و سه‌رۆكێ هه‌ڤپه‌يمانيا نه‌سر ته‌كه‌زى ل سه‌ر چاره‌كرنا كێشه‌يێن دناڤبه‌را هه‌ولێر و به‌غدا دا ل سه‌ر بنه‌مايێ ده‌ستوورى كرن.

مه‌سرور بارزانى سه‌رۆكێ جڤاتا وه‌زيرێن هه‌رێمێ ئه‌ڤرۆ چارشه‌مبيێ پێشوازى ل حه‌يده‌ر عه‌بادى سه‌رۆكێ هه‌ڤپه‌يمانيا نه‌سر و سه‌رۆكوه‌زيرێ به‌رێ يێ ئيراقێ كر.

سه‌رۆكاتيا حكومه‌تێ به‌لاڤكريه‌؛ چاره‌كرنا كێشه‌يێن هه‌ولێر و به‌غدايێ ل سه‌ر بنياتێ ده‌ستوورى و د به‌رژه‌وه‌نديا هه‌مى پێكهاته‌يێن ئيراقێ دا د ديداره‌كێ دا دناڤبه‌را سه‌رۆكێ حكومه‌تێ و عه‌بادى دا هاته‌ به‌حسكرن.

چاكسازيێن حكومه‌تا هه‌رێمێ، مفاوه‌رگرتن ژ ده‌رفه‌تان بۆ پێشڤه‌برنا ره‌وشا ئابوورى ل ئيراقێ و پێشكێشكرنا باشترين خزمه‌تگۆزاريان بۆ وه‌لاتيان ژ ته‌وه‌رێن دى يێن كۆمبوونێ بوون.