گاڤ

ئه‌ردهه‌ژه‌كا ب هێزا 5 ل گۆره‌ى پيڤه‌رێ رێخته‌ر ئه‌ڤرۆ پێنجشه‌مبيێ ل پارێزگه‌هه‌كا ئيرانێ دا.

حه‌ميد مه‌حبوبى سه‌رۆكێ بجهئينانێ يێ هه‌يڤا سۆر ل پارێزگه‌ها ئازه‌ربێجان يا رۆژئاڤا بۆ ئاژانسا ئيسنا دياركر؛ ئه‌ردهه‌ژه‌ك ب 5 پله‌يێن رێخته‌ر ل پارێزگه‌هێ ل دۆرێن ده‌مژمێر 15:17 و ب كويراتيا 16 كيلۆمه‌تران دا.

ديار ژى كر؛ سێ تيمێن شاره‌زايان ژ هه‌يڤا سۆر ژ بۆ جهێ رويدانێ بۆ هه‌لسه‌نگاندنا زيانێن پێشبينيكرى هاتنه‌ هنارتن.

خۆيا ژى كر كو تا نوكه‌ چ پێزانيێن هويربين ل دۆر زيانێن وێ ئه‌ردهه‌ژێ نينن.

ئيران ل سه‌ر هێلا ئه‌ردهه‌ژايه‌ و ل 26/12/2006 ئه‌ردهه‌ژه‌ك ل باژێرێ بم يێ گرێداى پارێزگه‌ها كه‌رمان ل باشوورێ رۆژهه‌لاتێ ئيرانێ ب هێزا 6.6 پله‌يێن رێخته‌ر دابوو و 42 هزار كه‌سان ژ ئه‌نجامێ وێ گيانێ خۆ ژده‌ستدابوون و نزيكى 50 هزار كه‌سان بريندار ببوون.