گاڤ

هێزێن سووريا ديمۆكراتى ’هه‌سه‌ده‌’ ئه‌ڤرۆ ئه‌ينيێ راگه‌هاند كو ئه‌و هێليكۆپته‌را ل چارشه‌مبيا بۆرى ل گوندێ بێركيات ل ناوچه‌داريا چه‌مانكێ كه‌فتيه‌ خوارێ يا هێزێن وان بوو و 9 ژ ئه‌ندامێن وان ژ وان ژى كورێ خويشكا مه‌زلۆم عه‌بدى تێدا گيانێ خۆ ژده‌ستداينه‌.

هه‌سه‌ده‌ د به‌يانه‌كێ دا دياركر كو ئه‌و هێليكۆپته‌را ل چارشه‌مبيێ ل گوندێ بێركيات كه‌فتيه‌ خوارێ و نه‌هـ كه‌سان تێدا گيانێ خۆ ژده‌ستداين يا وان بوو.

ئاشكرا ژى كر؛ 9 ژ ئه‌ندامێن هه‌سه‌ده‌‌ د رويدانێ دا گيانێ خۆ ژده‌ستداينه‌ و ئێك ژ وان كورێ خويشكا مه‌زلۆم عه‌بدى فه‌رمانده‌يێ هێزێن سووريا ديمۆكراتى بوو.

دژه‌تيرۆرا هه‌رێمێ د به‌يانه‌كێ دوهى پێنجشه‌مبيێ خۆيا كربوو كو به‌رپرسيێن حكومه‌تا هه‌رێمێ په‌يوه‌ندى ب حكومه‌تا ئيراقێ، هێزێن هه‌ڤپه‌يمانان و حكومه‌تا توركيا ل دۆر رويدانێ كربوون و وان هه‌ميان دوپاتكربوون كو فرۆكه‌ نه‌يا وانه‌.

ئاشكرا ژى كربوو كو ل گۆره‌ى لێكۆلينێن ده‌ستپێكى فرۆكه‌ ژ جۆرێ Eurocopter AS350 يه‌ و لێكۆلين ل دۆر رويدانێ د به‌رده‌وامن.