"مهترسيا ڤايرۆسێ كۆرۆنايێ دێ ئهڤساله هێته رێزا ئەنفلەوەنزایێ"
بەلاڤ بکە
گاڤ
رێكخراوا ساخلهميێ يا جيهانى ئهڤرۆ ئهينيێ دياركر كو مهترسيا ڤايرۆسێ كۆرۆنايێ د ئهڤساله 2023 دا دێ كێم بيت.
مايكل راين رێڤهبهرێ ههوارهاتنێ د رێكخراوێ دا دياركر؛ ئهم گههشتينه قوناغهكێ كو وهكى نهخۆشيا ئينفلوێنزايێ تهماشهى نهخۆشيا كۆڤيد- 19 بكهين.
ئاماژه دا وێ چهندێ ژى كو ل گۆرهى پێشبينيێن وى ئهڤ چهنده دێ د ئهڤساله دا بيت.
گۆت ژى "ڤايرۆسێ كۆرۆنايێ دێ مينيت مهترسى ل سهر ساخلهميێ و بيته ئهگهرێ حالهتێن گيانژدهستدانێ، لێ ئهڤ ڤايرۆسه نابيته ئهگهرێ راوهستيانا چالاكيێن جڤاكى".
رێكخراوا ساخلهميێ يا جيهانى د نويترين ئامار دا راگههاند بوو كو د ههيڤهكێ دا ژ 13/2/2023 تا 12/3/2023 نزيكى 4.1 مليۆن حالهتێن تووشبوونێ و 28 هزار حالهتێن مرنێ ب ڤايرۆسێ كۆرۆنايێ ل سهرانسهرى جيهانێ هاتينه تۆماركرن.
ل گۆرهى ئامارێن مالپهرێ worldometers؛ ههر ژ دهستپێكا بهلاڤبوونا ڤايرۆسێ كۆرۆنايێ ل ههيڤا 12 يا سالا 2019 و تا ئهڤرۆ ئهينيێ، 682 مليۆن و 258 هزار و 910 حالهتێن تووشبوونێ ب ڤايرۆسى و 6 مليۆن و 817 هزار و 436 حالهتێن مرنێ ب ڤايرۆسى ل سهرانسهرى جيهانێ هاتينه تۆماركرن.
ههروهسا 655 مليۆن و 158 هزار و 379 كهس ههر ژ دهستپێكا بهلاڤبوونا ڤايرۆسى ل سهرانسهرى جيهانێ ژ ڤايرۆسى چاكبووينه.
ههر ژ دهستپێكا ههوا ڤاكسيندانانێ ل دژى ڤايرۆسى ل دهستپێكا سالا 2021 و تا نوكه، حالهتێن مرنێ و تووشبوونێ ب ڤايرۆسى ل سهرانسهرى جيهانێ ب شێوهيهكێ مهزن كێمبووينه.