سه‌رۆككۆمارێ توركيا رۆناهيا كه‌سك دا ئه‌ندامبوونا فينله‌ندا د ناتۆيێ دا

بەلاڤ بکە

گاڤ

 

سه‌رۆككۆمارێ توركيا ئه‌ڤرۆ ئه‌ينيێ ل سه‌ر ئه‌ندامبوونا فينله‌ندا د هه‌ڤپه‌يمانيا ناتۆيێ دا رازى بوو و ئه‌ركێ په‌ژراندنا وێ بۆ په‌رله‌مانێ توركيا هێلا.

ره‌جه‌ب ته‌يب ئه‌ردۆگان پشتى بدويماهيكهاتنا كۆمبوونێ ل گه‌ل ساولى نينيستۆ سه‌رۆكێ فينله‌ندا راگه‌هاند؛ مه‌ ده‌ست ب پرۆتوكولێ ئه‌ندامبوونا فينله‌ندا د ناتۆيێ دا ل په‌رله‌مانێ توركيا كر.

28 وه‌لاتان ژ سه‌رجه‌مێ 30 وه‌لاتێن ئه‌ندام د ناتۆيێ دا، ژ به‌رى نوكه‌ ئوكه‌ى دابوونه‌ ئه‌ندامبوونا فينله‌ندا كو ل گۆره‌ى په‌يره‌وێ ناڤخۆ يێ ناتۆيێ پێدڤيه‌ هه‌مى وه‌لاتێن ئه‌ندام ل سه‌ر ئه‌ندامبوونا وه‌لاته‌كێ نوى د قۆلپێ دا رازى ببن.

پشتى رازيبوونا توركيا، ب تنێ رازيبوونا هنگاريا ل سه‌ر ئه‌ندامبوونا فينله‌ندا دمينيت كو دێ په‌رله‌مانێ وى وه‌لاتى ل 27ى ڤێ هه‌يڤێ ده‌نگدانێ ل سه‌ر كه‌ت.

يێنس ستۆلتينبێرگ ئه‌ميندارێ گشتى يێ ناتۆيێ پێشوازى ل بڕيارێ كر و دياركر "پێدڤيه‌ رێك ب سويدى ژى ب ئه‌ندامبوونێ د ناتۆيێ دا ل نزيكترين ده‌م بهێته‌ دان".

پشتى شه‌ڕێ رۆسيا ل سه‌ر ئۆكراينا هه‌ر ئێك ژ فينله‌ندا و سويد داخوازيا ئه‌ندامبوونێ د ناتۆيێ دا پێشكێشكربوون و رازيبوونا هه‌ر ئێك ژ توركيا و هنگاريا بۆ ئه‌ندامبوونا وان ب فه‌رمى مايه‌.

توركيا ژماره‌يه‌كا داخوازيان ژ هه‌ر ئێك ژ فينله‌ندا و سويد و ب تايبه‌ت يێن گرێداى رێگرتنێ ل ڤه‌حه‌واندن و چالاكيێن كه‌سێن نزيك ژ پارتا كرێكارێن كوردستانێ و گرۆپێ فه‌تحوللا گوله‌نى كرينه‌.

هه‌ر ئێك ژ فينله‌ندا، سويد و توركيا ل هه‌يڤا خزيرانا سالا بۆرى رێككه‌فتنه‌ك د گۆپيتكا ناتۆيێ دا ل مه‌دريد ده‌رباره‌ى ئه‌ندامبوونا فينله‌ندا و سويد د ناتۆيێ دا ئيمزاكربوون.

More About