مولهر ل دۆر ياريا ل گهل مان ستى: ب زهحمهتترين ههڤڕك د ڤێ قووناغێ دا كهفته بهر مه
گاڤ
توماس مولهر ياريكهرێ يانهيا بايرن ميۆنشن ل دۆر پشككێشانا قووناغا چارێك دويماهيێ يا چامپيۆنز ليگێ ئهڤرۆ ئهينيێ دياركر كو يانهيا وان كهفته بهر ب زهحمهتترين ههڤڕكێ د شيان دا بيت بكهڤيته بهر.
د دهمهكێ دى دا ژ ئهڤرۆ ئهينيێ، پشككێشانا قووناغا چارێك دويماهيێ ژ خۆلا قارهمانێن ئهورۆپا برێڤهچووبوو و تێدا يانهيا بايرن ميۆنخ كهفته بهر يانهيا مانچستهر ستى و سهركهفتيێ وان ل قووناغا بهرى دويماهيێ دێ ل گهل سهركهفتيێ ريال مهدريد و چێلسى ياريێ كهت.
تۆماس مولهر ل دۆر ڤێ چهندێ دياركر؛ يانهيا مه كهفته بهر ب زهحمهتترين ههڤڕكێ د شيان دا بوو د ڤێ قووناغێ دا بكهڤيته بهر.
ناڤهاتى ل گهل وێ چهندێ، خۆشحاليا خۆ ب رويبرويبوونێ ل گهل پيپ گوارديۆلا راهێنهرێ مان ستى و راهێنهرێ بهرێ يێ يانهيا ئهلمانى دهربڕى و گۆت "ئهڤه دهمهكێ درێژه گوارديۆلاى يانه ب جهـ هێلاى و ئهڤه ئێكهم ياريا وى يه ل گهل يانهيا وى يا بهرێ".
مولهر ل دۆر يانهيا مان ستى گۆت "ئهو تيمهكا سهقامگيره، سال بۆ سال ياريكهرێن باش دكڕيت".
پشكێشانا قووناغا چارێك دويماهيێ ژ چامپيۆنز ليگێ ئهڤرۆ ئهينيێ ل بارهگايێ يوێفايێ برێڤهچووبوو و يارى ب ڤى رهنگى نه: ريال مهدريد – چێلسى، ئينتهرميلان – بێنفيكا، مانچستهر ستى – بايرن ميۆنشن و ئهى سى ميلان – ناپۆلى.
ياريێن ئێكێ دناڤبهرا وان يانهيان دا دێ ل رۆژێن 11 و 12 ژ ههيڤا نيسانا بهێت هێنه كرن و ياريێن هاتنێ دێ ل رۆژێن 18 و 19 ژ ههمان ههيڤ هێنه كرن.