پشتى 11 سالان وه‌زیرێ ده‌رڤه یێ توركیا دێ سه‌را مسرێ ده‌ت
03/18/2023 - 10:34
بەلاڤ بکە
گاڤ
ئه‌ڤرۆ وه‌زیری ده‌رڤه یێ توركیا مەولود چاویشئۆغڵو ل دویڤ داخوازا هه‌ڤكیڤێ خۆ یێ مسرى سامح شوکری، ب سه‌ره‌دانه‌كا فه‌رمى دێ گه‌هیته مسرێ.
ل گۆره‌ى زانیاریێن وه‌زاره‌تا ده‌رڤه یا توركیا، وه‌زیرێن ده‌رڤه یێن هه‌ردو وه‌لاتان دێ په‌یوه‌ندیێن دو قۆلى یێن د ناڤبه‌را هه‌ردو وه‌لاتان دا باس كه‌ن و دێ بۆچوونان ل سه‌ر پرسێن ناوچه‌یی و نێڤده‌وله‌تى لهه‌ڤگوهۆڕن.
چاویشئوغلۆ، پشتى 11 سالان دبیته ئێكه‌م وه‌زیرێ ده‌رڤه یێ توركیا كو ئێكسه‌ر سه‌ره‌دانا مسرێ بكه‌ت.
پشتى بوهارا عه‌ره‌بى ژبه‌ر پشته‌ڤانیا توركیا و سه‌رۆك كۆمارێ وێ بۆ ئیخوانێن مسرێ و دژاتیكرنا ده‌ستهه‌لاتدارێن نها یێن مسرێ، په‌یوه‌ندیێن هه‌ردو وه‌لاتان تێكچوون.
