ئه‌ڤرۆ سه‌رۆك بارزانى پێشوازى ل دبلۆماتكار و نونه‌رێن وه‌لاتێن بیانى كر

بەلاڤ بکە

 

گاڤ

ئه‌ڤرۆ شه‌مبیێ 18-3-2023ێ یێ ل پیرمام سه‌رۆك بارزانى مێڤانداریا هه‌ژماره‌كا زێده‌ یا بالیۆز و كونسل و نوونه‌رێن وه‌لاتان، رێكخستنێن نێڤده‌وله‌تى، هێزێن هه‌ڤپه‌یمانان ل ئیراق و هه‌رێما كوردستانێ كر و نانخوارنه‌ك بۆ سازكر.

د مێڤانداریێ  دا سه‌رۆك بارزانى گۆته‌ك پێشكێشكر و ب گه‌رمى بخێرهاتنا مێڤانان كر و ئاماژه‌ دا ب گرنگیا هێما و مانا و بوونێن مه‌ها ئادار و نه‌روۆزێ بۆ گه‌لێ كورستانێ دا بۆ وێ یه‌كێ ل رۆژێن جه‌ژنێ ده‌مێن خۆش ل كوردستانێ ببۆرینن.

سه‌رۆك بارزانى رۆژناهى دا سه‌ر ره‌وشا سیاسى و په‌یوه‌ندیێن ناڤبه‌را حكومه‌تێن ئیراق و هه‌رێما كوردستانێ و دیاركر، ده‌لیڤه‌یه‌كا باش بۆ چاره‌كرنا كیشه‌یان ل پێشه‌ و ئیراده‌ و خواست ژى هه‌نه‌ بۆ وێ یه‌كێ كێشه‌ ب لێكتێگه‌هشتن و پشتبه‌ستن ب ده‌ستوورى و ل سه‌ر بنه‌مایێ رێككه‌فتنان بهێن اره‌كرن د ناڤا ئالی و پێكهاتێن هه‌ڤپه‌یمانیا ئیداره‌یا ده‌وله‌تێ.

سه‌رۆك بارزانى سه‌ره‌دانا چه‌ند رۆژێن بۆرى یا محه‌مه‌د شیاع سوودانى بۆ هه‌رێما كوردستانێ ب ده‌لیڤه‌یه‌كا باش بۆ لێكتێگه‌هشتنا ناڤبه‌را هه‌رێم و حكومه‌تا فیدرال بۆ نه‌هێلانا ناكۆكیان ل قه‌له‌م دا.

هه‌روه‌سا سه‌رۆك بارزانى به‌حس ل پرۆسه‌یا سیاسى یا ناڤخۆیا هه‌رێما كوردستانێ كر و دوپاتكر، دوپاتكر بۆ وێ یه‌كێ شه‌رعیه‌ت ل هه‌رێما كوردستانێ نه‌كه‌ڤیته‌ ژێر  پرسیارێ پێدڤیه‌ ئه‌ڤ ساله‌ هه‌لبژارتن بهێنه‌ كرن و گۆت: هه‌ڤكاریه‌كا باش د ناڤبه‌را دناڤبه‌را مه‌ و تیێمن نێڤده‌وله‌تى و ئالیین په‌یوه‌ندار یێن هه‌رێمێ هه‌یه‌ بۆ ئاماده‌كرنا هه‌لبژارتنێن هه‌رێما كوردستانێ.

ل دۆر مافێن پێكهاتان ژى سه‌رۆك بارزانى ئاشكراكر، سیغه‌یه‌كێ دیركرى بۆ پێكهاتێن هه‌ریمێ دێ هێته‌ سه‌پاندن و دڤێت رێز ل ئیراده‌یا پێكهاتێن ئاینى و نه‌ته‌وه‌یێن كوردستانێ  بهێته‌ گرتن و پێكهات ب خۆ و رێكخستنێن  نه‌ته‌وه‌یێن ئێكگرتى چ سیسته‌مه‌ك بۆ پشكداریكرنا پێكهاتان ب باشى بزانیت ل ده‌ف مه‌ ژى دێ په‌سه‌ند بیت.

هه‌ر د وێ  كۆمبوونێ دا ده‌رگه‌هی دانوستاندن و لێكگوهارتنا هزر و بیران هاته‌ ڤه‌كرن و سه‌رۆك بارزانى به‌رسڤا تێبینى و پرسیارێن دبلۆماتكاران و نوونه‌رێن وه‌لاتێن بیانى ل دۆر ره‌وشا سیاسى یا ئیراق و هه‌رێما كوردستانێ دان.

More About

Related