ماسك: ئهگهر ترامپ بهێته دهستهسهركرن دێ د ههلبژارتنێن سهرۆكاتيا ئهمريكا دا سهركهڤيت
گاڤ
خۆدانێ تۆرا تويتهرى و كۆمپانيا تێسلا يا ترۆمبێلان پێشبينيكر كو دهستهسهركرنا سهرۆكێ بهرێ يێ ئهمريكا دێ رێكێ بۆ سهركهفتنا وى د ههلبژارتنێن بهێت دا خۆش كهت.
ئيلۆن ماسك بزنسمانێ ئهمريكى ل سهر تۆڕا تويتهرى گۆت "ئهگهر دۆنالد ترامپ بهێته دهستهسهركرن، دێ ئهڤ چهنده بيته ئهگهرێ سهركهفتنا وى د ههلبژارتنێن سهرۆكاتيا ئهمريكا يێن سالا 2024 دا ب رێژهيهكا بلند".
د دهمهكێ دى دا ژ ئهڤرۆ، دۆنالد ترامپ سهرۆكێ بهرێ يێ ئهمريكا پێشبينى كربوو ل رۆژا سێشهمبيا بهێت بهێته دهستهسهركرن و داخواز ژ ئهمريكان كربوو نهرازيبوونا خۆ ل سهر تۆمهتێن بۆ وى دهێنه ئاراستهكرن، دهرببڕن.
ترامپى رهخنه ل داخوازكهرێ گشتى ل مانهاتن گرتينه و ئهو ب ’گهندهل و كهسهكێ ل بن فشارا سياسيان’ وهسفكريه.
داخوازكهرێ گشتى يێ مهنهاتن تهماشهى دوسيهيا دانا ترامپى بۆ پارهيان بۆ پۆرنستارهكێ د ههوا خۆ يا ههلبژارتنان دا ل سالا 2016 بهرانبهر بێدهنگيا وێ ل سهر پهيوهنديا وان دكهت.
ترامپ ژ لايێ خۆڤه رهتكريه كو چ كارێن نهياسايى ئهنجامدابن.