راهێنهرێ ههلبژارتيێ لاوێن ئيراقێ پشتى دۆراندنا ياريا دويماهيێ چ گۆت؟
گاڤ
راهێنهرێ ههلبژارتيێ لاوێن ئيراقێ دهستخۆشى ل ياريكهران پشتى فاينالا جاما ئاسيا كر و دياركر كو وان ئارمانجا گرنگ كو دهربازبوونه بۆ مونديالێ بدهستڤهئينا.
ههلبژارتيێ لاوێن ئيراقێ ’د بن 20 ساليێ دا’ د دهمهكێ دى دا ژ ئهڤرۆ شهمبيێ ل ياريگهها بونديودكۆر ل ئوزباكستانێ د فاينالا جاما ئاسيا دا ل سهر دهستێ ههلبژارتيێ ئوزباكستانێ ب 0-1 هاتبوو دۆراندن لێ ل سهر ڤێ چهندێ را پلێتا دهربازبوونێ بۆ مونديالا لاوان ’ئيندونيسيا 2023’ بدهستڤهئينايه.
عيماد محهمهد پشتى ياريێ دياركر؛ ئهم ژ بۆ دهربازبوونێ بۆ مونديالێ هاتبووينه ڤێ قارهمانيێ و مه ئهڤ ئارمانجه بدهستڤهئينا.
زێده ژى كر "پاشى ئهم گههشتينه ياريا دويماهيێ ژ قارهمانيێ و مه ياريهكا باش ل گهل تيمهكا ب هێز ل گهل پشتهڤانيا جهماوهرێ وێ بۆ وێ ل درێژيا ياريێ كر و ژمارهيهكا دهليڤهيێن مسۆگهر بۆ گۆلكرنێ بۆ مه دروستبوون، لێ مه ژدهستدان".
ئاماژه دا وێ چهندێ ژى كو ل ئيراقێ خۆلهكا رێكخستى و بهردهوام ل سهر ئاستێ لاوان و ياريگههێن تايبهت ب راهێنانان ڤه بۆ لاوێن يانهيان نينن.
ئاشكرا ژى كر؛ ههر ژ سوبههى دێ دهست ب بهرههڤيێ بۆ مونديالا لاوان كهين و دێ جارهكا دى تهماشهى ههمى ياريێن مه كهين دا كو ل سهر خالێن پۆزێتيڤ ئاڤا بكهين و خالێن نێگهتيڤ چاره بكهين.
گۆت ژى "پێدڤيه ههمى ئيراقى شانازيێ ب ڤى نهوهى ببهن كو ل پاشهرۆژهكا نزيك پتريا ياريكهرێن مه دێ بنه ياريكهرێن ههلبژارتيێ ئيراقێ يێ ئۆلۆمپى و ههلبژارتيێ ئێكێ".
ئيراق پشتى دهربازبوونێ بۆ قووناغا بهرى دويماهيێ ژ جاما ئاسيا، پشكداريا خۆ د جاما جيهانێ يا لاوان دا يا ئهڤ ساله 2023 ل ئيندونيسيا مسۆگهر كربوو.