رێز ل قوتابیەکا سەرکەفتی د پرۆژەیەکێ دا دهێتە گرتن
گاڤ-زاخۆ
سەرپەرشتێ ئیدارا سەربەخۆ یا زاخۆ، پێشوازی و دەستخۆشی ل قوتابی ئایە سەردار سەلاحەدین کر.
گوهدار شێخۆ، سەرپەرشتێ ئیدارا سەربەخۆ یا زاخۆ پیرۆزباهییا قوتابی ئایە سەردار کر، کو شییایی د پێشبرکییەکی زانستیدا ل وەلاتێ ئیسپانیا، پرۆژەیەکی ل ژێر ناڤونیشانێن ( مفا وەرگرتن ژ بەرمایکێن خوارنێ بۆ بەرهەمئینانا غازا مالان ) پێشکێش بکەت و شیای پلا چوارێ لسەر ئاستێ پێشبرکیێ دا بدەستڤە بینت.
شێخۆ، داخوازا سەرکەفتنێ و پێشئێخستنێ د بیاڤێ زانستیدا بۆ خواست و ئامادەیی و پشتەڤانییا خوە بۆ دەربری.
ئەڤ پرۆژەیە ژ تیمەکێ قوتابیان بناڤێن( ئەحمەد عەبدولا یوسف و ئەحمەد کامیران ئەحمەد ) پێکهاتبوو، ب سەرپەرشتیا مامۆستا دیمەن زهێر سامی.
ئایە سەردار سەلاحەدین قوتابییا زانکۆ یا زاخۆ یە، کۆلیژا ئەندازیاری ل پشکا شارستانی و ژینگەهــێ یە.
رۆژا شەمبیێ گاڤ دیدارەک لگەل قوتابی ئایە کربوو.