پهرلهمانێ هنگاریا ئهندامبوونا فینلاند د ناتۆیێ دا پهژراند
گاڤ
پهرلهمانێ هنگاریا پشتى چهند ههیڤان ژ بگروڤهكێشێ ئهڤرۆ دوشهمبیێ چوونا فینلاند بۆ دناڤ ههڤپهیمانیا ناتۆیێ دا پهژراند.
پارتا ئێكهتیا مهدهنى یا هنگارى یا ڤیكتۆر ئۆربان سهرۆكوهزیرێ نوكه، پرانیا پهرلهمانى د دهستان دایه و ئهڤرۆ 182 ئهندامان ژ سهرجهمێ 199 ئهندامێن پهرلهمانێ هنگارى ب بهلێ دهنگ ب ئهندامبوونا فینلاند د ناتۆیێ دا دان، ل گۆرهى ئاژانسان.
دیار ژى كرینه كو پهرلهمانێ هنگارى دێ ل دهمهكێ نزیك دهست ب گهنگهشهیێن ئهندامبوونا سوید ژى د ناتۆیێ دا كهت.
ب رازیبوونا هنگاریا، 29 وهلاتان ژ سهرجهمێ 30 وهلاتێن ههڤپهیمان د ناتۆیێ دا رازیبوون ل سهر ئهندامبوونا فینلاند دهربڕینه كو ئهندامبوونا وێ پێدڤى ب رازیبوونا ههمیان ههیه.
"توركیا ل نیڤا ڤێ ههیڤێ رازیبوون ل سهر ئهندامهتیا فینلاند دابوو و چاڤهرێ دهێته كرن كو پهرلهمانێ وێ ل دهمهكێ نزیك دهنگدانێ ل سهر ئهنجامبدهت"، رهجهب تهیب ئهردۆگان سهرۆككۆمارێ توركیا دیاركربوو.
ب رازیبوونا چاڤهرێكرى یا توركیا، دێ رێكارێن ئهندامبوونا فینلاند د ناتۆیێ دا دهستپێكهن و دێ بیته ئهندامێ 31ێ تێدا.
توركیا ههر ئێك ژ سوید و فینلاند ب ڤهحهواندنا كهسێن داخوازكرى ژ لایێ ئهنقهره ڤه تۆمهتبار كربوون لێ ل 28/6/2022 ل مهدرید پایتهختێ ئسپانیا ل گهل وان وهلاتان گههشتبوو رێككهفتنێ ژ بۆ ئهندامبوونا وان د ناتۆیێ دا.