گاڤ

ئه‌ڤرۆ ل هه‌ولێرێ سه‌رۆكێ حكومه‌تا هه‌رێما كوردستانێ پێشوازى ل جێگرێ خۆ قوباد تاله‌بانى كر و د ره‌وشه‌كا ئه‌رێنى دا به‌حسا ره‌وشا هه‌رێمێ كر.

ئه‌ڤرۆ رۆژا دوشه‌مبێ 8-5-2023یێ مه‌سروور بارزانى، سه‌رۆكێ حكومه‌تا هه‌رێما كوردستانێ پێشوازى ل قوباد تاله‌بانى، جێگرێ سه‌رۆكێ حکومەتا هەرێما کوردستانێ كر.

هه‌ر د كۆمبوونا خۆ دا سه‌رۆكوه‌زیر و جێگرێ خۆ د ره‌وشه‌كا ئه‌رێنى دا ره‌وشا كێشه‌یێن دارایى و ئابۆرى و ئیدارى یێن همبه‌رى حكومه‌تا هه‌رێمێ به‌حسكرن.

هه‌روه‌سا هه‌ر دو ئالى هه‌ڤڕا بوون ل سه‌ر چاره‌كرنا هه‌موو كێشه‌یان ب رێكا دانوستاندنان بۆ پاراستنا به‌رژه‌وه‌ندیێن نشتیمانى و مافێن ده‌ستوورى یێن وه‌لاتیێن هه‌رێما كوردستانێ.

پێشتر گاڤ ژ ژێدەرەکێ تایبەت زانییە: د کۆمبوونا بهێتە یا جڤاتا وەزیران دا کو رۆژا چارشەمبیا بهێتە، وەزیرەکێ ئێکەتیا نشتیمانی دێ پشکداری کۆمبوونێ بیت و ئێکەتیێ هندەک مەرج بۆ ڤەگەڕیانێ بۆ ناڤ کۆمبوونێن حکومەتێ هەنە.