سه‌نته‌ره‌ك: پشتى كڕینا ماسكى بۆ تویته‌رى پشكداریا كه‌سێن ئه‌كتیڤ تێدا ب رێژه‌یا 25% كێمبوویه‌

بەلاڤ بکە

 

گاڤ

سه‌نته‌ره‌كێ ئه‌مریكى یێ لێكۆلینان دیاركر كو پشكداریا كه‌سێن ئه‌كتیڤ ب به‌لاڤكرنا تویتان د تویته‌رى دا هه‌ر ژ ده‌مێ كڕینا ئیلۆن ماسكى بۆ وێ تۆڕێ ب رێژه‌یا 25% كێمبوویه‌.
ل گۆره‌ى راپرسیه‌كا سه‌نته‌رێ Pew Research Center؛ پشكداریا كه‌سێن كو به‌رده‌وام تویت د تۆڕا تویته‌رى دا به‌لاڤ دكرین ب رێژه‌یا 25% هه‌ر ژ هه‌یڤا ئوكتۆبه‌را بۆرى كێمبوویه‌.
ئیلۆن ماسك بزنسمانێ ئه‌مریكى ل هه‌یڤا ئوكتۆبه‌را سالا 2022 هه‌ڤبه‌ستا كڕینا تویته‌رى ب بهایێ 44 ملیار دۆلاران ته‌مامكربوو و هه‌ر ژ وى ده‌مى وى ژماره‌یه‌كا گوهۆڕینان د كۆمپانیێ و وێ تۆڕا جڤاكى دا ئه‌نجامداینه‌.
هه‌روه‌سا 6 ژ 10 كه‌سێن پێگه‌هشتى ل ئه‌مریكا یێن د سالا بۆرى دا تویته‌ر بكارئیناین، بێهنڤه‌دانه‌ك ل ڤێ دویماهیێ ژ تویته‌رى وه‌رگرتینه‌.
هه‌روه‌سا چارێكا كه‌سێن پشكدار د راپرسیێ دا دیاركرن كو پشتى ساله‌كێ ژ نوكه‌ ئه‌و تویته‌رى بكارنائینن.
 

More About

Related