گاڤ

حكومه‌تا هه‌رێما كوردستانێ ئه‌ڤرۆ چارشه‌مبیێ ته‌رخانكرنا نزیكى 3 ملیار دیناران بۆ به‌رسینگگرتنا به‌لاڤبوونا نه‌خۆشیا تایا خوینبه‌ربوونێ راگه‌هاند.
حكومه‌تا هه‌رێمێ به‌لاڤكریه‌ "مه‌سرور بارزانى سه‌رۆكێ حكومه‌تێ بڕیارا ته‌رخانكرنا دو ملیار و 771 ملیۆن دینارێن ئیراقى بۆ به‌رسینگگرتنا به‌لاڤبوونا نه‌خۆشیا تایا خوینبه‌ربوونێ دا كو ل وه‌رزێ هاڤینێ پتر ئه‌ڤ نه‌خۆشیه‌ به‌لاڤ دبیت".
تایا خوینبه‌ربوونێ نه‌خۆشیه‌كا ڤایرۆسى یه‌ و ب رێكا ئاژه‌لان ژ بۆ مرۆڤان دهێته‌ ڤه‌گوهاستن.
ل گۆره‌ى ئامارێن وه‌زاره‌تا ساخله‌میێ یا ئیراقێ، ژ ده‌ستپێكا ئه‌ڤ ساله‌ تا دوهى 23/5/2023ێ، 128 حاله‌تێن تووشبوونێ و 18 حاله‌تێن مرنێ ب تایا خوینبه‌ربوونێ ل سه‌رانسه‌رى ئیراقێ هاتینه‌ تۆماركرن.
سازیێن ساخله‌میێ داخوازێ ژ تووشبوویان دكه‌ن زوى سه‌ره‌دانا بنگه‌هێن ساخله‌میێ بكه‌ن ژ به‌رى نه‌خۆشى دژوارتر ببیت.