ده‌وله‌مه‌ندترین كه‌سێ جیهانێ پتر ژ 11 ملیار دۆلاران د رۆژه‌كێ دا ژده‌ستدان

بەلاڤ بکە

 

گاڤ

ده‌وله‌مه‌ندترین كه‌س ل جیهانێ 11.2 ملیار دۆلار ژ سامانێ خۆ د رۆژه‌كێ دا ژده‌ستدان ژ به‌ر نیگه‌رانیێن ژ وێ چه‌ندێ كو ره‌وشا ئابوورى یا ئه‌مریكا داخوازیێ ل سه‌ر كه‌لوپه‌لێن گڕانبها كێم بكه‌ت.
ژ هه‌یڤا 12 یا سالا بۆرى، بێرنارد ئارنۆ خۆدانێ كۆمپانیا LVMH ببوو ده‌وله‌مه‌ندترین كه‌س ل جیهانێ و د سالا 2023 دا سامانێ وى به‌ره‌ڤ زێده‌بوونێ ڤه‌ دچوو پشتى بهایێ پشكێن كۆمپانیێن مه‌زن یێن ئه‌ورۆپى بلند بووى.
ژ به‌ر نه‌گه‌هشتنێ ب رێككه‌فتنه‌كا ڤه‌بڕ ل دۆر سه‌قفێ قه‌ڕان ل ئه‌مریكا، پشكێن كۆمپانیا LVMH ب رێژه‌یا 5% د بۆرسه‌یا پاریس دا داكه‌فتن و ئه‌ڤه‌ بلندترین رێژه‌یا كێمبوونا بهایێ پشكانه‌ د ساله‌كێ دا هه‌ڤده‌م ل گه‌ل ترسا ژ كێمبوونا 30 ملیار دۆلاران ژ كه‌رتێ ده‌مبۆراندنێ یێ ئه‌ورۆپى.
ل گۆره‌ى بلۆمبێرگ؛ سامانێ بێرنارد ئارنۆ ملیاردێرێ فره‌نسى د نوكه‌ دا 191.6 ملیار دۆلارن كو 29.5 ملیار دۆلار د ئه‌ڤ ساله‌ دا لێ زێده‌ كربوون.
ب ڤێ چه‌ندێ، جوداهیا دناڤبه‌را سامانێ ئارنۆ و ئیلۆن ماسكى دا بوو 11.4 ملیار دۆلار.
شڕۆڤه‌كارێن مۆرگان ستانلى و دویچه‌ به‌نك پێشبینى كربوون كو داخوازیا ل سه‌ر كه‌لوپه‌لێن گڕانبها ل ئه‌مریكا ل گه‌ل هێواشبوونا گه‌شه‌پێدانێ كێم ببیت خۆ ئه‌گه‌ر رێككه‌فتنه‌ك ژى ل دۆر سه‌قفێ قه‌ڕان ل ئه‌مریكا بهێته‌ كرن.
 

More About