نەخۆشیا تایا خوینبەربوونێ ل ئیراقێ زێدە دبیت
05/25/2023 - 09:24
بەلاڤ بکە
گاڤ
ژمارەیا تووشبوویێن تایا خوینبەربوونێ ل ئیراقێ زێدەبوو و چەندین کەسان ژیانا خۆ ب وێ نەخۆشیێ ژ دەست دا.
تایا خوینبەربوونێ ئێک ژ وان نەخۆشیێن ڤایرۆسی یێن ڤەگرە کو ژ گیانەوەران بۆ مرۆڤان دهێتە ڤەگوهاستن و ئێک ژ ئەگەرێن بەلاڤبوونا وێ ل ئیراقێ سەرژێکرنا تەرش و کەوالی یە ل مالان ئانکو نە ل وان جهێن دەستویریا سەرژێکرنا تەرش و کەوالی هەی.
وەزارەتا ساخلەمیا ئیراقێ راگەهاند: ژ دەستپێکا ئەڤسالە تا ناڤەراستا مەها گولانێ ژمارەیا کەسێن تووشی تایا خوینبەربوونێ بووین گەهشتیە 139 کەسان و پتریا وان ل پارێزگەها زیقارن.
وەزارەتا ساخلەمیا ئیراقێ هەروەسا دیار کریە: هەر د ئەڤسالە دا 20 کەسان ب ئەگەرا تووشبوونێ ب تایا خوینەبەربوونێ ژیانا خۆ ژدەست دایە و ههوهكا باش یا پشکنین و دەرمانکرنا تەرش و کەوالی دەستپێکریە داکو د شیان دا بیت ئەو نەخۆشی بهێتە کۆنترۆلکرن.