کەشتیەک د کەنالێ سوێس دا ئاسێ بوو
05/25/2023 - 09:29
گاڤ
ئاژانسا رۆیتەرز ل گۆرەیی کۆمپانیا لیس ئەیجنسیز راگەهاند: کەشتیەکا بارهەلگر د کەنالێ سوێس دا ئاسێ بوویە و چار کەشتی ل پشت خۆ هێلاینە.
رۆیتەرزێ دیار کریە: کەشتیەکا بارهەلگر ب ناڤێ "شین هایتۆنگ 23" کو ئالایێ هۆنگ کۆنگ پێڤەیە، ل بەرێ سپێدەهیا ئەڤرۆ رۆژا پێنجشەمبی 25-5-2023یێ ل دەمژمێر 6:00 سپێدێ ل کەنالێ سوێس ئاسێ بوویە و ب کێماتی 4 کەشتیێن دی ل پشت وێ ئاسێ بووینە و نەشێن دەرباز ببن.
ژێدەری دایە زانین ژی، کەشتیێ 190 متران درێژه، ل ئالیێ رۆژهەلاتێ کەنالێ سوێس ئاسێ بوویە و تا نوکە تیمێن سەخبێری و چاڤدێریا کەنالێ نەشیاینە وێ کەشتیێ سەرڕێ بکەن و ژ رێیا کەشتیێن دی بدهنه پاش.