ئيران: دانپێدانێ ب حكومهتا تالیبان ناكهین
گاڤ
وهزارهتا دهرڤه یا ئیرانێ راگههاند كو وهلاتێ وان دانپێدانێ ب حكومهتا نوكه یا ئهفغانستانێ ب سهركێشیا بزاڤا تالیبان ناكهت.
حسێن ئهمیر عهبدلـلههیان وهزیرێ دهرڤه یێ ئیرانی ئهڤرۆ پێنجشهمبیێ راگههاند كو ئیران دانپێدانێ ب حكومهتا ئهفغانستانێ ناكهت ئهوا ژ لایێ بزاڤا تالیبان ڤه هاتیه پێكئینان.
دیار ژى كر كو "پێدڤیه حكومهتهكا بهرفرههـ ل وى وهلاتى بهێته پێكئینان و تێدا تالیبان پشكهك بیت ژ حكومهتێ و نهك حكومهت ههمى بیت".
ئاماژه دا وێ چهندێ ژى كو تالیبان نه ئاخفتنكهره ب ناڤێ ههمى خهلكێ ئهفغانستانێ بهلكو یێ پشكهك ژ خهلكێ وێ یه.
ناڤهاتى دلگرانیا خۆ ژ ناكۆكیێن دهم بۆ دهمى ل سهر سنوورێ ئیران- ئهفغانستان رویددهن دهربڕى و دیاركر كو وان دانوستاندن ل گهل بهرپرسێن ئهفغانى ل دۆر مافێ ئیرانێ د رویبارێ ههلمهند دا ل گۆرهى رێككهفتنا 1351 كرینه.
گۆت ژى "ئهم د دلگرانین ژ بێبههركرنا كچ و ژنێن ئهفغانى ژ خواندنێ".
ناكۆكیێن دناڤبهرا ئیرانێ و ئهفغانستانێ دا ل دۆر رویبارێ ههلمهند د رۆژێن بۆرى دا توند بووینه كو رهوریشالێن وێ یێن دیرۆكى بۆ ب دههان سالان بهرى نوكه ڤهدگهڕن.
بزاڤا تالیبان ل 15/8/2021 گههشتبوو دهستههلاتێ ل ئهفغانستانێ پشتى بڕیارا خۆڤهكێشانا هێزێن نێڤدهولهتى ب سهركێشیا ویلایهتێن ئێكگرتى یێن ئهمریكى.