توركيا بڕیاره‌ك ل دۆر بهایێن قازانجى دا
بەلاڤ بکە
گاڤ
به‌نكا ناڤه‌ندى یا توركى بڕیار دا بۆ هه‌یڤا سێیێ ل دویڤ ئێك بهایێن قازانجى وه‌كى خۆ بهێلیت.
توركیا د هه‌یڤا شوباتا بۆرى دا، بهایێن قازانجێ ب رێژه‌یا نیڤ خال ژ سه‌دێ كێمكربوون و د هه‌ر سێ هه‌یڤێن ئادار، نیسان و گۆلانێ دا ئه‌ڤ تێكرایه وه‌كى خۆ هێلا.
ل گۆره‌ى ئاژانسێن توركى، به‌نكا ناڤه‌ندى یا توركى ئه‌ڤرۆ پێنجشه‌مبیێ بڕیار دا بهایێن قازانجێ ب 8.5 خالان ژ سه‌دێ سه‌قامگیر بمینن.
ره‌جب ته‌یب ئه‌ردۆگان سه‌رۆككۆمارێ توركیا ژ به‌رى نوكه بڕیار دابوو كو بهایێن قازانجێ بۆ كێمتر ژ 10% بهێنه كێمكرن سه‌ره‌راى بلندبوونا تێكرایێن هه‌لئاوسانێ.
توركیا د نوكه دا رویبروى ژماره‌یه‌كا كێشه‌یێن ئابوورى دبیت وه‌كى كێمبوونا بهایێ لیره‌یى به‌رانبه‌ر دۆلارێ كو نزیكى ئاستێ دیرۆكى یێن داكه‌فتنێ یێ 20 لیره‌یان بۆ دۆلاره‌كێ بوویه زێده‌بارى بلندبوونا تێكرایێن هه‌لئاوسانێ كو ل هه‌یڤا نیسانا بۆرى گه‌هشتبوونه 44%.
ژ به‌رى نوكه، مایتێكرنێن سه‌رۆككۆمارێ توركیا د سیاسه‌تێن به‌نكا ناڤه‌ندى دا و ب تایبه‌ت د بهایێن قازانجێ دا بوویه جهێ ره‌خنه‌یێن هه‌ڤڕكێن وى هه‌ڤده‌م سیاسه‌تمه‌دارێن پارتا داد و گه‌شه‌پێدان ژماره‌یه‌كا به‌هانه‌یان بۆ ڤێ چه‌ندێ دئینن.
