گاڤ

ژنه‌كێ ل سه‌نته‌رێ باژێڕێ دهۆكێ هه‌ڤژینێ خۆ یێ به‌رێ كوشت و خۆ راده‌ستى پۆلیسان كر.

هێمن سلێمان په‌یڤدارێ پۆلیسێن دهۆكێ راگه‌هاند "ل سپێده‌هیا ئه‌ڤرۆ ل ده‌مژمێر 6ى سپێدێ ناكۆكى دناڤبه‌را ژنه‌كێ و زه‌لامه‌كێ دا رویدا كو ژ به‌رى نوكه‌ هه‌ڤژین بوون و به‌رى ماوه‌یه‌كێ ژێكڤه‌بووینه‌".

دیار ژى كر؛ ژ ئه‌نجامێ ئالۆزیا دناڤبه‌را وان دا رویداى، ژنا ته‌مه‌ن 23 سالى هه‌ڤژینێ خۆ یێ به‌رێ یێ ته‌مه‌ن 34 سال ب چه‌قۆیێ كوشت و ل دویڤ دا خۆ راده‌ستى هێزێن پۆلیسان كر.

خۆیا ژى كر؛ ب بڕیارا دادوه‌رێ لێكۆلینێ و ل دویڤ به‌ندێ 405 ژ یاسایا سزایان، تۆمه‌تبارا ژن هاتیه‌ به‌ندكرن.