ئه‌ردۆغان بۆ ئسرائیلێ: هێرشا خۆ رابگرن و ده‌ستا ژ ڤێ دیناتیێ به‌رده‌ن
بەلاڤ بکە
گاڤ
سه‌رۆك كۆمارێ تركیا ره‌جه‌ب ته‌یب ئه‌ردۆغانى په‌یامه‌ك ئاراسته‌ى ئسرائیلێ كر و خواست بله‌ز ئه‌و وه‌لات هێرشا خۆ بۆ سه‌ر غهززه رابگریت و ده‌ستان ژ ڤێ دیناتیێ به‌رده‌ت، گۆت ژى ئه‌ڤرۆ دێ خڕڤه‌بوونه‌كا مه‌زن بۆ فلستینێ کەن.
ئه‌ردۆغانى د په‌یامه‌كێ دا كو ل تۆڕا جڤاكیا X به‌لاڤكرى یه راگه‌هاند، ئۆپه‌راسیۆنێن ئسرائیلێ ل غهززه د زێده‌بوونێ دانه، شڤێدى هێرش دژوار بووینه، جاره‌كا دى ژن و زارۆك و خه‌لكێ بێگونه‌هـ كرنه ئارمانج.
ئه‌ردۆغانى د پۆستێ خۆ دا نڤیسى یه ژى "پێدڤی یه ئسرائیل بله‌ز دەستان ژ ڤێ دیناتیێ بەربدەت و هێرشێن خۆ رابگریت، ئەردۆغان ئه‌ڤرۆ ژى هه‌مى برایێن خۆ داخواز دكه‌ته خڕڤه‌بوونه‌كا مه‌زن كو دێ ل فرۆكخانه‌یا ئه‌تاتورك ل سته‌نبۆلێ هێته كرن، تێدا دێ بانگه‌وازیا خۆ بهێزترلێكه‌ن و دگه‌ل ملله‌تێ فلستینێ دێ ل دژى زۆرداریا ئسرائیلێ راوه‌ستن.
