شه‌ڕ د رۆژا 24 دا ب ره‌نگه‌كێ دژوار د ناڤبه‌را ئسرائیلێ و ته‌ڤگه‌ڕا حه‌ماس دا به‌رده‌وامه‌، فرۆكه‌یێن شه‌ڕكه‌ر هێرشێن دژوار دكه‌نه‌ سه‌ر غه‌زه‌ و چه‌كدارێن حه‌ماس دبێژین ب پاراگلایدەران دابه‌زینه‌ پشت سوپایێ ئسرائیلێ و شه‌ڕه‌كێ دژوار دگه‌ل كرینه‌.

سوپایێ ئسرائیلێ راگه‌هاند، ژ رۆژا ئه‌ینیا بۆرى و ب ده‌ستپێكرنا هێرشا په‌یاده‌ ل ناڤا غه‌زه‌، قویناغه‌كا نوى ژ شه‌ڕى ده‌ستپێكریه‌‌، فرۆكه‌یێن شه‌ڕكه‌رێن وى وه‌لاتى لسه‌ر هێرشێن خۆ یێن دژوار بۆ ژناڤبرنا تۆنێلێن ژێر ئه‌رد یێن ته‌ڤگه‌ڕا حه‌ماسێ به‌رده‌وامن.

ژلایێ خۆڤه‌ كه‌تیبه‌یێن قه‌سام باسكێ سه‌ربازیێ ته‌ڤگه‌ڕا حه‌ماس راگه‌هاند، چه‌كدارێن وان شیاینه‌ ب پاراگلایدەران دابه‌زنه‌ پشتا به‌ره‌یێن شه‌ڕى و بناڤ سوپایێ ئسرائیلێ بكه‌ڤن، دیاركر ژى چه‌كدارێن وان، شه‌ڕه‌كێ دژوار كرینه‌ و  هژماره‌كا تانك و زریپۆشێن ئسرائیلێ ژناڤ برینه‌.