گاڤ

لێكۆلینه‌كا ئه‌مریكى دیاردكه‌ت، ئه‌وێن د حه‌فتیه‌كێ دا زێده‌تر ژ دو جاران گۆشتێ سۆر دخۆن، مه‌ترسیا تووشبوونی ب نه‌خۆشیا شه‌كرێ زێده‌تر دكه‌ت، ب هه‌ڤبه‌ركرن ل گه‌ل وان كه‌سێن كێمتر گۆشتێ سۆر دخۆن.

ل گۆڕه‌یى زانكۆیا یالى یا ئه‌مریكا ئاشكراكریه‌، ئه‌و كه‌سێن گۆشتێ سۆر د حه‌فتیه‌كێ دا دو جاران یان زێده‌تر دخۆن ئه‌گه‌را تووشبوونا وان ب نه‌خۆشیا شه‌كرێ ژ جۆرێ دووێ هه‌یه‌، لێكۆلین ل سه‌ر 216 هزار و 700 كه‌سان هاتیه‌كرن و دیاربوویه‌ ئه‌وێن گۆشتێ سۆر د حه‌فتیه‌كێ دا دو جاران و زێده‌تر دخۆن، رێژه‌یا دۆنى د خوینێ دا زێده‌ دكه‌ت و مه‌ترسیا تووشبوونێ ب نه‌خۆشیا په‌نجه‌شێرێ ژى بلندتر دكه‌ت.

لێكۆله‌ر دیاردكه‌ن، خوارنا پرۆتینى و كه‌سكاتیێ ل جهێ گۆشتێ سۆر مه‌ترسیا تووشبوونێ ب نه‌خۆشیا شه‌كرێ ژ جۆرێ دووێ كێم دكه‌ت.

د. میرێل سێرلى، سه‌رپه‌رشتیارا لێكۆلینێ دیاردكه‌ت، د شیاندایه‌ پرۆتینێن ناڤا كه‌سكاتیان ل جهێ گۆشتى مفا ژێ بهێته‌ وه‌رگرتن، چونكى خوارنا گۆشتى دبیته‌ ئه‌گه‌رێ نه‌خۆشیان.

ل سه‌رانسه‌رى جیهانێ 422 ملیۆن كه‌س تووشى نه‌خۆشیا شه‌كرێ ژ جۆری دووێ بووینه‌، هه‌ڤده‌م سالانه‌ ب كێمى ملیۆنه‌ك و 500 هزار كه‌س ب وێ نه‌خۆشیێ ژیانا خۆ ژ ده‌ست دده‌ن.