گاڤ

یانه‌یا قوه‌ جه‌ویه‌ یا ئیراقى ل هه‌ولێرێ سه‌ركه‌فتن ل سه‌ر ئیتیحاد یا سعوودى ئه‌و یانه‌یا كه‌ریم بێنزێما و نگۆلۆ كانتى یاریێ بۆ دكه‌ن د چارچووڤه‌یێ چامپیۆنز لیگا ئاسیا دا تۆماركر.

ل ئێڤاریا ئه‌ڤرۆ دوشه‌مبیێ ل یاریگه‌ها فرانسوا حه‌ریرى ل هه‌ولێرێ ب به‌رهه‌ڤبوونا 20 هزار كه‌سان، د چارچووڤه‌یێ یاریێن گه‌ڕا چارێ ژ كۆما سیێ یا چامپیۆنز لیگا ئاسیا دا، قوه‌ جه‌ویه‌ ب ئه‌نجامێ 2-0 ب هه‌ردو گۆلێن عه‌لى جاسم و موهه‌نه‌د عه‌بدولره‌حیم كه‌رار ل خۆله‌كێن 44 و 52 ژ یاریێ سه‌ركه‌فتن ل سه‌ر ئیتیحاد تۆماركر.

جه‌ویه‌ نوكه‌ ب 7 خالان ل رێزا دوێ د رێزبه‌ندیا كۆما خۆ دا دهێت و ئیتیحاد ب 9 خالان ل سه‌رێ لیستێ مایه‌.