ئێدى بریندارێن غهزه نشتهرگهریێن وان بێى بهنج دهێنه كرن
11/07/2023 - 20:45
بەلاڤ بکە
گاڤ
پهیڤدارێ رێكخراوا ساخلهمیا جیهانى راگههاند، نها كارهساتهكا مهزن یا ساخلهمیێ ل غهزه ههیه تا وى راددى ئێدى نشتهرگهرى بێى بهنج دهێنه كرن.
كریستیان لێندهمێر، پهیڤدارێ رێكخراوا ساخلهمیا جیهانى راگههاند، كارهساتهكا مهزن ژ ئهنجامێ دۆرپێچ و هێرشێن ئسرائیلێ بۆ سهر كهرتێ غهزه د رۆژهڤێ دایه، ئیدى ژبهر نهبوونا پێدڤیان، نوشدار نهچارن بێى بهنج نشتهرگهریان ب تایبهتى نشتهگهریێن پێ و دهستان بۆ بریندارێن غهزه بكهن.
ژ لایهكێ دیڤه پهیڤدارێ ساخلهمیا جیهانى راگههاند، تا نها پترى 160 كارمهندێن چاڤدێریا ساخلهمیێ ل كهرتێ غهزه د هێرشێن ئسرائیلێ دا هاتینه كوشتن.
ههر ئهڤرۆ و ل گۆرهى دویماهى ئامار، هژمارا كوشتیێن فلستینى ژ دهستپێكا شهڕێ ئسرائیلێ و كهرتێ غهزه گههشته 10 هزار و 300 كهسان.
