گاڤ

ئه‌نجامدانا وه‌رزشێ ب هه‌ر جۆره‌كێ بیت ژماره‌یه‌كا مفایێن ساخله‌میێ هه‌نه‌ و مالپه‌ره‌ك شه‌ش مفایێن ساخله‌میێ یێن ئه‌نجامدانا وه‌رزشێ رۆژانه‌ بۆ 30 خۆله‌كان دیار دكه‌ت.

مالپه‌رێ Eating Well ئاماژه‌یێ دده‌ته‌ ژماره‌یه‌كا كاران ژ بۆ پاراستنا ساخله‌میا مرۆڤى و یا جه‌سته‌یێ مرۆڤى ژ وان ژى ئه‌نجامدانا چالاكیێن وه‌رزشى رۆژانه‌ بۆ 30 خۆله‌كان.

شه‌ش مفایێن ساخله‌میێ یێن ئه‌نجامدانا وه‌رزشێ رۆژانه‌ بۆ 30 خۆله‌كان ل گۆره‌ى وى مالپه‌رى ئه‌ڤێن ل خوارێ نه‌:

1. پاراستنا مرۆڤى ژ نه‌خۆشیێن دلى: وه‌رزشێ رۆله‌كێ گرنگ د پاراستنا ساخله‌میا دلى و كێمكرنا فشارا خوینێ دا هه‌یه‌، ل گۆره‌ى لێكۆلینه‌كا ده‌سته‌یا دلى یا ئه‌مریكى ل سالا 2020، وه‌رزش هاریكاره‌ بۆ كێمبوونا مه‌ترسیا تووشبوونێ ب نه‌خۆشیێن دلى و بۆریێن خوینێ.

2. پاراستنا شیانێن مێشكى: وه‌رزش هاریكاره‌ بۆ پاراستنا شیانێن مێشكى و پاراستنا مرۆڤى ژ نه‌خۆشیا ژبیرچوونێ.

3. پاراستنا ساخله‌میا هه‌ستیان: ئه‌نجامدانا وه‌رزشێ هاریكاره‌ بۆ پاراستنا ساخله‌میا هه‌ستیان و مه‌ترسیا لاوازبوونا هه‌ستیان یان شكه‌ستنا وان كێم دكه‌ت.

4. باشتركرنا كوالێتیا نڤستنێ: ئه‌نجامدانا وه‌رزشێ ژ بۆ باشتركرنا كوالێتیا نڤستنێ و بۆ نڤستنه‌كا ئارامتر هاریكاره‌.

5. زێده‌كرنا ئاستێن وزه‌یێ: وه‌زرش بۆ گوهۆڕینا پێكهاته‌یێن خۆراكى بۆ وزه‌یێ هاریكاره‌، وه‌رزش خۆراگرتنا مرۆڤى زێده‌ دكه‌ت و ماندویبوونێ كێم دكه‌ت.

6. باشتركرنا گێولى مرۆڤى: وه‌رزش بۆ باشتربوونا گێولێ مرۆڤى و هه‌ستكرن ب كه‌یفخۆشیێ هاریكاره‌ ئه‌و ژى ب رێكا ده‌ردانا هۆرمۆنێ ئیندۆرفین، هه‌روه‌سا وه‌رزشا ب رێكخستى نیشانێن خه‌مۆكیێ و نیگه‌رانیێ كێم دكه‌ت.