گاڤ

محه‌مه‌د سه‌لاح ستێرا هه‌لبژارتیێ مسرێ و یانه‌یا لیڤه‌رپۆل شیا نمره‌یه‌كا پیڤایى یا نوى د خۆلا ئنگلترا دا تۆماربكه‌ت.

محه‌مه‌د سه‌لاح د یاریا لیڤه‌رپۆل و برێنتفۆرد د چارچووڤه‌یێ گه‌ڕا 12 ژ خۆلا ئنگلترا دا شیا ل خۆله‌كا 39 یا یاریێ گۆلا پێشكه‌فتنێ بۆ یانه‌یا خۆ تۆماربكه‌ت.

ل گۆره‌ى تۆڕا ئوپتا یا ئاماران "محه‌مه‌د سه‌لاح بوو ئێكه‌م یاریكه‌ر د دیرۆكا لیڤه‌رپۆل دا كو د ئێكه‌م شه‌ش یاریێن ل دویڤ ئێك یێن لیڤه‌رپۆل ل یاریگه‌ها خۆ ئه‌نفێلد گۆلێ تۆماربكه‌ت".

هه‌روه‌سا تۆڕا سكواوكا دیاركریه‌ "ب تنێ محه‌مه‌د سه‌لاح و دو یاریكه‌رێن دى تا نوكه، د 15 یاریان یان پتر ل دویڤ ئێك د یاریگه‌ها خۆ د خۆلا ئنگلترا دا‌ گۆل كرینه‌ یان ژى ئه‌سێست بۆ گۆلان هه‌بووینه‌".

ئه‌و هه‌ردو یاریكه‌رێن دى ئالان شیرار (18 یارى) و تێرى هێنرى (17 یاری) نه‌.

لیڤه‌رپۆل د یاریا ئه‌ڤرۆ ئێكشه‌مبیێ دا ب ئه‌نجامێ 3-0 سه‌ركه‌فتن ل سه‌ر برێنتفۆرد ل یاریگه‌ها ئه‌نفێلد تۆماركر و محه‌مه‌د سه‌لاحى دو گۆل تۆماركربوون.