گاڤ

لێكۆلینه‌كا ساخله‌میێ یا نوى په‌یوه‌ندیه‌ك دناڤبه‌را زێده‌بوونا كێشا له‌شى د ژیێ سنێله‌ییێ دا و تووشبوونێ ب په‌نجه‌شێرێ د قووناغێن ل دویڤ دا یێن ژیانێ دیاركریه‌.

ل گۆره‌ى لێكۆلینه‌كا سویدى، ئه‌و كه‌سێن ل ژیێ 18 سالیێ كێشا له‌شێ وان یا زێده‌، پتر مه‌ترسیا تووشبوونێ ب ئێك ژ 17 جۆرێن په‌نجه‌شێرێ د قووناغێن ل دویڤ دا یێن ژیێ وان ل سه‌ر وان هه‌یه‌ وه‌كى په‌نجه‌شێرا سیهێن هه‌ناسه‌دانێ، په‌نجه‌شێرا مێشكى و په‌نجه‌شێرا گه‌ده‌ى ب هه‌ڤبه‌ركرن ل گه‌ل سنێله‌یێن دى یێن كێشا له‌شێ وان ئاسایى.

نوشدار ئارۆن ئه‌نیرۆپ ژ زانكۆیا گوتنبێرگ دبێژیت "زێده‌بوونا كێشا له‌شى د قووناغێن به‌راهیێ یێن ته‌مه‌نى دا مه‌ترسیا تووشبوونێ ب نه‌خۆشیا په‌نجه‌شێرێ زێده‌ دكه‌ت".

لێكۆلین ل سه‌ر نزیكى 1.5 ملیۆن زه‌لامان هاتبوو كرن و بۆ ده‌مێ 31 سالان دویڤچوونا وان هاتبوو كرن.

به‌رى نوكه‌ ژى ژماره‌یه‌كا لێكۆلینان په‌یوه‌ندى دناڤبه‌را زێده‌بوونا كێشا له‌شى و تووشبوونێ ب نه‌خۆشیێن دلى، جه‌لته‌یا مێشكى، نه‌خۆشیا شه‌كرێ و ژماره‌یه‌كا جۆرێن په‌نجه‌شێرێ ده‌ستنیشانكربوون.