گاڤ

ده‌رهێنه‌رێ ئه‌مریكى دارین ئارونۆفسكى ده‌ست ب به‌رهه‌ڤیێن دروستكرنا فلمه‌كێ ژیاننامه‌یى كریه‌ كو تێدا دێ ژیانا ئیلۆن ماسك ملیاردێرێ ئه‌مریكى و خۆدانێ كۆمپانیێن تێسلا و ئێكس و سپه‌یس ئێكس به‌حسكه‌ت.

سیناریۆیا فلمێ ئیلۆن ماسكى ژ پرتووكه‌كا نڤیسه‌ر والته‌ر ئیزاكسۆن هاتیه‌ وه‌رگرتن كو ل هه‌یڤا سێپته‌مبه‌را بۆرى هاتبوو به‌لاڤكرن.

ئیزاكسۆن به‌رى نوكه‌ ژى پرتووكه‌ك ل سه‌ر ستیڤ جۆبز نڤیسى بوو و پاشى ببوو فیلم ل بن ناڤێ Stive Jobs: The Man in the Machine.

ژماره‌یه‌كا پرتووكان ل سه‌ر ژیانا ماسكى هه‌نه‌، لێ بهایێ پرتووكا ئیزاكسۆنى د وێ چه‌ندێ دایه‌ كو وى هنده‌ك هویركاتیێن نوى یێن ژیانا ماسكى تێدا به‌رچاڤكرینه‌.

ده‌رهێنه‌ر ئارونۆفسكى ل سالا بۆرى ئێك ژ به‌ربژارێن خه‌لاتێ ئوسكار بوو ژ فلمێ حویت The Whale و ب شێوازێ خۆ یێ سیریالى د ده‌رهێنانا فلمان دا یێ ناڤداره‌ ل گه‌ل گرنگیپێدانێ ب پێكهاته‌یا سایكولوژى یا زارڤه‌كه‌ران.

ئیلۆن ماسك ل دۆر ده‌رهێنانا ئارونۆفسكى بۆ فلمه‌كێ ل دۆر ژیانا وى گۆت "ئه‌ز خۆشحالم ب ڤێ چه‌ندێ چونكى ئارونۆفسكى ئێك ژ باشترین ده‌رهێنه‌رایه‌".