كۆمپانیا مێتا دێ خزمه‌تگۆزاریه‌كا گرنگ بۆ Threads به‌رده‌ست كه‌ت

بەلاڤ بکە

 

گاڤ

كۆمپانیا مێتا پشتى داخوازیێن مه‌زن یێن بكارهینه‌رێن ئه‌پلیكه‌یشنێ Threads دێ خزمه‌تگۆزاریه‌كا گرنگ بۆ بكارهینه‌رێن وێ به‌رده‌ستكه‌ت.

ل گۆره‌ى خزمه‌تگۆزاریا نوى یا Threads، بكارهینه‌ر دێ شێن ئه‌كاونتێن خۆ یێن Threads ژێببه‌ن بێى ژێبرنا ئه‌كاونتێ ئینستاگرامى.

بۆ ده‌مه‌كێ درێژ بوو، ئێك ژ گله‌یێن بكارهینه‌رێن Threads ئه‌و بوو كو ئه‌و نه‌دشیان ئه‌كاونتێن خۆ ژێببه‌ن بێى كارتێكرنێ بكه‌ته‌ ل سه‌ر ئه‌كاونتێن وان یێن ئینستاگرامى.

ئاده‌م موسێرى رێڤه‌به‌رێ بجهئینانێ یێ ئینستاگرامى راگه‌هاند كو مێتایێ ئه‌پدێته‌كا نوى بۆ Threads به‌رده‌ستكریه‌ و بكارهینه‌ر ل گۆره‌ى وێ دێ شێن ئه‌كاونتێن خۆ یێن Threads ژێببه‌ن ل گه‌ل مانا ئه‌كاونتێن وان یێن ئینستاگرامى.

دیار ژى كر؛ ئه‌ڤ ساخله‌ته‌ ل نزیك دێ بۆ هه‌مى بكارهینه‌ران به‌رده‌ست بیت.

زێدەتر دەربارەی