گاڤ

لێكۆلینه‌كا ساخله‌میێ یا نوى دیاركریه‌ كو خوارنێن زێده‌ پرۆسێسكرى یان به‌روه‌خت به‌رهه‌ڤكرى و ب له‌ز مه‌ترسیا تووشبوونێ ب په‌نجه‌شێرێ زێده‌ دكه‌ن.

خوارنێن زێده‌ پرۆسێسكرى Ultra-processed foods ئه‌و خوارنه‌نه‌ یێن ده‌ستكاریه‌كا مه‌زن تێدا دهێته‌ كرن و كه‌ره‌سته‌یێن كیمایى یێن مێژوویا بكارئینانا وان خوارنا درێژ دكه‌ن یان تامێ و ره‌نگان دده‌نێ زێده‌ تێدا دهێنه‌ بكارئینان ب هه‌ڤبه‌ركرن ل گه‌ل كه‌ره‌سته‌یێن سرۆشتى.

لێكۆلینه‌ك ژ لایێ سندۆقا جیهانى یا لێكۆلینێن په‌نجه‌شێرێ ڤه‌ هاته‌ كرن و تێدا په‌یوه‌ندیا خوارنێن زێده‌ پرۆسێسكرى ب تووشبوونێ ب په‌نجه‌شێرێ ڤه‌ دیاركریه‌.

هێلین كرۆكه‌ر هاریكارا رێڤه‌به‌رێ لێكۆلینان و سیاسه‌تان د وێ سازیێ دا دبێژیت "په‌یوه‌ندیه‌ك دناڤبه‌را زێده‌ خوارنا خوارنێن زێده‌ پرۆسێسكرى و ب تایبه‌ت یێن گرێداى به‌رهه‌مێن گیانه‌وه‌رى یان ڤه‌خوارنێن شه‌كر تێدا ل گه‌ل زێده‌بوونا مه‌ترسیا تووشبوونێ ب په‌نجه‌شێرێ هه‌یه‌، زێده‌بارى هنده‌ك نه‌خۆشیێن دى وه‌كى جه‌لته‌یا مێشكى یان نه‌خۆشیا شه‌كرێ".

به‌رى نوكه‌ ژى گه‌له‌ك لێكۆلینان ئاماژه‌ داینه‌ په‌یوه‌ندیا خوارنێن ب له‌ز و ده‌ستكرد ل گه‌ل تووشبوونێ ب ژماره‌یه‌كا نه‌خۆشیان ژ وان ژى نه‌خۆشیێن درێژخایه‌ن.