گاڤ

ده‌سته‌یا خۆلا ئنگلترا بڕیارا كێمكرنا 10 خالان ژ یانه‌یا ئێڤێرتۆن د خۆلا ئنگلترا یا ڤى وه‌رزى دا دده‌ت و ب ڤێ چه‌ندێ یانه‌ بۆ رێزا 19 و به‌رى دویماهیێ د رێزبه‌ندیا خۆلێ دا پاشڤه‌چوو.

ل گۆره‌ى ئاژانسێن نووچه‌یان؛ ده‌سته‌یا خۆلا ئنگلترا ئه‌ڤرۆ ئه‌ینیێ بڕیارا كێمكرنا 10 خالان ژ یانه‌یا ئێڤێرتۆن د خۆلا نایاب یا ئنگلترا دا دا و ئه‌ڤه‌ ب دژوارترین سزا د دیرۆكا پرایمه‌ر لیگێ دا دهێته‌ هژمارتن.

ده‌سته‌یا خۆلا ئنگلترا ل ئادارا بۆرى كه‌یسا یانه‌یا ئێڤێرتۆن ژ بۆ لژنه‌یه‌كا لێكۆلینێ ژ به‌ر بنپێكرنا رێسایێن قازانجان د وه‌رزێ 2021-2022 دا ره‌وانه‌ كربوو.

ژ لایێ خۆڤه‌، ئێڤێرتۆن راگه‌هاندیه‌ كو ئه‌و نه‌رازییه‌ ژ بڕیارێ و دێ تانه‌لێدانه‌كێ ل سه‌ر بڕیارێ پێشكێشكه‌ت.

ئێڤێرتۆن د به‌یانه‌كێ دا دیاركر "یانه‌ د وێ هزرێ دایه‌ كو لژنه‌یێ سزایه‌كێ وه‌رزشى یێ نه‌گونجاى و نه‌دادپه‌روه‌ر سه‌پاندیه‌".

پشتى ڤێ بڕیارێ، ئێڤێرتۆن بۆ رێزا 19 د خۆلا ئنگلترا دا پاشڤه‌زڤڕى ب جوداهیا گۆلان ژ بێرنلى خۆدانا رێزا 20 و دویماهیێ.