گاڤ

كارگێریا زانیاریێن وزه‌یێ یا ئه‌مریكى ئه‌ڤرۆ شه‌مبیێ راگه‌هاند كو هنارده‌كرنا په‌ترۆلا ئیراقێ بۆ ئه‌مریكا د حه‌فتیا بۆرى دا زێده‌ بوویه‌.
ل گۆره‌ى خشته‌یێن كارگێریێ، تێكرایێ هاورده‌كرنا ئه‌مریكا بۆ په‌ترۆلا خاڤ ل حه‌فتیا بۆرى ژ نه‌هـ وه‌لاتێن سه‌ره‌كى 5 ملیۆن و 369 هزار به‌رمیل بوون ب كێمبوونا ب رێژه‌یا 46 هزار به‌رمیلان رۆژانه‌ ب هه‌ڤبه‌ركرن ل گه‌ل حه‌فتیا به‌رى وێ كو تێكرایێ رۆژانه‌ یێ هاورده‌كرنێ 5 ملیۆن و 415 هزار به‌رمیل بوون.
هه‌ر ل دویڤ وان خشته‌یان، ئیراقێ د حه‌فتیا بۆرى دا رۆژانه‌ وه‌ك تێكرا 283 هزار به‌رمیلێن په‌ترۆلێ هنارده‌ى ئه‌مریكا كرینه‌ ب زێده‌بوونا ب برێ 96 هزار به‌رمیلان رۆژانه‌ ب هه‌ڤبه‌ركرن ل گه‌ل حه‌فتیا به‌رى وێ كو تێكرایێ رۆژانه‌ یێ هنارده‌كرنێ 187 هزار به‌رمیل بوون.
ئه‌مریكا ل حه‌فتیا بۆرى ژ هه‌مى وه‌لاتان پتر په‌ترۆل ژ كه‌نه‌دا هاورده‌كریه‌ ب تێكرایێ رۆژانه‌ یێ 3 ملیۆن و 835 هزار به‌رمیلان، هه‌روه‌سا مه‌كسیك ل رێزا دوێ ب تێكرایێ رۆژانه‌ یێ 366 هزار به‌رمیلان و كولۆمبیا ل رێزا سیێ ب تێكرایێ رۆژانه‌ یێ 316 هزار به‌رمیلان هاتن.
ئیراق ل رێزا چارێ یا وه‌لاتان د هنارده‌كرنا په‌ترۆلێ دا بۆ ئه‌مریكا ل حه‌فتیا بۆرى هات.