گاڤ

كۆمپانیا سپه‌یس ئێكس یا ئیلۆن ماسكى ئه‌ڤرۆ شه‌مبیێ مه‌زنترین مووشه‌ك یا ب ناڤێ ستارشیپ ره‌وانه‌ى ئاسمانى كر لێ مووشه‌ك ل ئاسمانى ته‌قى و تاقیكرنێ شكه‌ستن ئینا.
مووشه‌كا ستارشیب ئه‌ڤرۆ ل ده‌مژمێر 13:00 ل گۆره‌ى ده‌مێ GMT ژ بنگه‌هێ ستاربه‌یس یێ كۆمپانیێ ل ویلایه‌تا تێكساس بۆ ئاسمانى هاتبوو‌ هاڤێتن، درێژیا مووشه‌كى 121 مترن و ب مه‌زنترین مووشه‌ك دهێته‌ هژمارتن، لێ تاقیكرن بسه‌رنه‌كه‌فت.
كۆمپانیا سپه‌یس ئێكس یا ماسكى تاقیكرنا ڤرێكرنا ستارشیپ بۆ ئاسمانى بسه‌رنه‌كه‌فتى لقه‌له‌مدا، پشتى كو ل گه‌ل بۆرینا چه‌ند خۆله‌كان ژ ڤرێكرنا وێ بۆ ئاسمانى ژكاركه‌فتى.
مووشه‌كا ستارشیپ بۆ ڤرێكرنا زانایێن ئاسمانى بۆ هه‌یڤێ و مه‌ریخێ هاتیه‌ دروستكرن، ماسك هیڤیخوازه‌ ئه‌و مووشه‌كه‌ ژ بۆ پرۆژه‌یێ وى یێ ڤه‌دیتنا زانیاریێن مه‌ریخێ رۆژه‌كێ ژ رۆژان هاریكار بیت.
كۆمپانیا ناسا ژى ل هیڤیا ڤێرژنه‌كێ گوهۆرین تێدا بهێته‌ كرن ژ وێ مووشه‌كێ یه‌ دا كو ژ بۆ ڤه‌گوهاستنا مرۆڤان بۆ هه‌یڤێ بهێته‌ بكارئینان.
ئه‌ڤه‌ بزاڤا دوێ یه‌ یا ڤرێكرنا وێ مووشه‌كێ بۆ ئاسمانى پشتى ل هه‌یڤا نیسانا بۆرى ژى بزاڤا وێ بسه‌رنه‌كه‌فتى.