ل رۆسیا رێكخراوا هه‌ڤڕه‌گه‌زخوازان یان نێڤده‌وله‌تى هاته قه‌ده‌غه‌كرن
11/19/2023 - 10:04
بەلاڤ بکە
گاڤ
به‌رپرسێن رۆسى راگه‌هاند، رێكخراوا نێڤده‌وله‌تى یا هه‌ڤڕه‌گه‌زخوازان قه‌ده‌غه‌كرى یه، چونكى ئه‌و رێكخراو توندوتیژیێ به‌لاڤ دكه‌ت.
وه‌زاره‌تا داد یا رۆسیا راگه‌هاند، دادگه‌ها بلند یا وى وه‌لاتى سكالایه‌ك پێشكێشكرى یه داكو رێكخراوا نێڤده‌وله‌تى یا هه‌ڤڕه‌گه‌زخوازان وه‌كى رێكخراوه‌كا توندڕه‌و قه‌ده‌غه بكه‌ت داكو نه‌شێت دناڤا رۆسیا دا چ چالاكیان بكه‌ت.
سه‌رۆكێ رۆسیا به‌رده‌وام داكۆكیێ ل پاراستنا خێزانێ و بنه‌مایێن وێ دكه‌ت و رێكارێن دژاتیا هه‌ڤڕه‌گه‌زخوازان ژى ل رۆسیا ده‌ستپێكرینه.
وه‌زاره‌تا داد یا رۆسى دبێژیت، ئه‌و گرۆپ و رێكخراوێن به‌رگریێ ژ هه‌ڤڕه‌گه‌زخوازان دكه‌ن، چه‌ندین ئاماژه و جورێن توندوتیژیێ نیشانداینه وه‌كى كه‌رب و كینا جڤاكى و ئایینى.
ل گۆره‌ى وه‌زاره‌تێ رۆژا 30 چریا دووێ روینشتنا دادگه‌هێ ل دۆر دۆسیه‌یێ دێ ده‌ستپێكه‌ت.
