دو ده‌ڤه‌رێن پیشه‌سازى ل دهۆكێ دهێنه چێكرن
بەلاڤ بکە
گاڤ
رێڤه‌به‌ریا گشتى یا وه‌به‌رهێنانێ ل پارێزگه‌ها دهۆكێ راگه‌هاند، دو ده‌ڤه‌رێن پیشه‌سازى ل پارێزگه‌ها دهۆكێ دهێنه چێكرن، ئێك ژ وان ل نێزیك دێ ب دوماهى هێت.
رێڤه‌به‌ریا گشتى یا وه‌به‌رهێنانێ ل پارێزگه‌ها دهۆكێ دبێژیت: ده‌ڤه‌ره‌كا پشه‌سازى یا خوارنێ دێ د ناڤبه‌را هه‌ر سێ ده‌ڤه‌رداریێن به‌رده‌ره‌ش، ئاكرێ و شێخان دا هێته دروستكرن و دێ به‌رهه‌مێ وێ ده‌ڤه‌رێ وه‌رگریت.
ل گۆڕه‌یى رێڤه‌به‌ریێ، ل نێزیك ده‌ڤه‌را كانى سپیێ ژى كو ده‌ڤه‌ره‌كا تایبه‌ت یا پیشه‌سازى یا خوارنێ یه دێ ب دوماهى هێت و دێ چه‌ندین ده‌لیڤه‌یێن كارى ره‌خسینیت.
هه‌روه‌سا دیاركریه، ده‌ڤه‌را كانى سپیێ ل سه‌ر رووبەرێ ١٤٢٣ دۆنەمێن ئەردی دهێتە ئاڤاکرن و دێ ٢٧٥ کارگەهێن جودا تێدا هه‌نه و دێ ٢٢٩ کۆگەهێن سارکەر و ئاسایی تێدا هێنە چێکرن و زێده‌تر ژ ٥ هزار ده‌لیڤه‌یێن کاری دێ بۆ وه‌لاتیان رەخسینیت.
