گاڤ

بهایێن شه‌كرێ ل جیهانێ ژ به‌ر كێمبوونا به‌رهه‌مى گه‌هشتنه‌ بلندترین ئاستێ خۆ هه‌ر ژ سالا 2011.

ژ به‌ر كارتێكرنا هشكه‌سالیێ ل سه‌ر به‌رهه‌مێ شه‌كرێ ل هند و تایله‌ندێ دوه‌م و سێیه‌م مه‌زنترین به‌رهه‌مهینه‌رێن شه‌كرێ ل جیهانێ، بهایێن شه‌كرێ گه‌هشته‌ بلندترین ئاست هه‌ر ژ سالا 2011.

ل گۆره‌ى ئاژانسا ئه‌سۆشیێتد پرێس "ئه‌ڤ چه‌نده‌ ب زیانه‌كا دى بۆ وان وه‌لاتان دهێته‌ هژمارتن كو ژ به‌رى نوكه‌ ژ كێمبوونا كه‌ره‌سته‌یێن خوارنێ یێن سه‌ره‌كى وه‌كى برنجێ دنالین، زێده‌بارى رێگریێن ل بازرگانیا هنده‌ك كه‌ره‌سته‌یێن خوارنێ كو ئه‌ڤ چه‌نده‌ بوویه‌ ئه‌گه‌رێ هه‌لئاوسانا بهایێن خوارنێ".

ئه‌ڤ چه‌نده‌ هه‌مى بوویه‌ ئه‌گه‌رێ كێمبوونا ئاسایشا خۆراكى ژ به‌ر كارتێكرنێن دیارده‌یا نینۆ یا سه‌قاى، شه‌ڕێ ل ئۆكراینا و كێمبوونا بهایێ دراڤان.

فابیۆ پالمێرى لێكۆله‌ر ژ رێكخراوا فاو دبێژیت "رێكخراو پێشبينیا كێمبوونا ب رێژه‌یا 2% یا به‌رهه‌مئینانا شه‌كرێ ل جیهانێ د وه‌رزێ 2023-2024 دا ب هه‌ڤبه‌ركرن ل گه‌ل سالا به‌رى وێ دكه‌ت، ئه‌ڤ چه‌نده‌ ب رامانا كێمبوونا نزیكى 3.5 ملیۆن ته‌نێن مه‌ترى ژ به‌رهه‌مى دده‌ت".

هه‌ڤده‌م یه‌ده‌كێ به‌رهه‌مێ شه‌كرێ ل جیهانێ گه‌هشتینه‌ كێمترین ئاست هه‌ر ژ سالا 2009.