گاڤ

ئه‌پل و ژماره‌یه‌كا كۆمپانیێن مه‌زن به‌لاڤكرنا ریكلامان ل سه‌ر تۆڕا ئێكس راوه‌ستاندن پشتى ئیلۆن ماسك خۆدانێ تۆرێ كۆمێنته‌ك به‌لاڤكرى و ئه‌و كۆمێنته‌ ب دژایه‌تیا جوهیان هاتیه‌ لقه‌له‌مدان.

رێكخراوا میدیا ماته‌رس راگه‌هاند "كۆمپانیێن ئه‌پل، دیزنى، كومكاست، لیۆنسگه‌یت ئینترتاینمێنت و پاراماومنت گلۆبال ژ وان كۆمپانیانه‌ یێن دێ ریكلامێن خۆ ل سه‌ر تۆڕا ئێكس راوه‌ستینن".

په‌یڤداره‌كێ ب ناڤێ كۆمپانیا لیۆنسگه‌یت ئینترتاینمێنت دیاركر "كۆمپانیێ بڕیارا راگرتنا به‌لاڤكرنا ریكلامان ل سه‌ر تۆڕا ئێكس دا ژ به‌ر تویتێن ئیلۆن ماسكى یێن دژى جوهیان".

ل رۆژا پێنجشه‌مبیا بۆرى ژى، كۆمپانیا IBM بڕیارا راوه‌ستاندنا به‌لاڤكرنا ریكلامان ل سه‌ر تۆڕا ئێكس دابوو.

ئیلۆن ماسك به‌رى نوكه‌ كۆمێنته‌ك ل سه‌ر پۆسته‌كێ دژى جوهیان ل سه‌ر تۆڕا ئێكس دابوو و تێدا نڤیسى بوو "ته‌ راستیا دروست گۆت".