رۆژنامهیهكا بریتانى: ئیسرائیلێ ژ بۆ شهڕى پاره قهڕكرینه
بەلاڤ بکە
گاڤ
رۆژنامهیهكا بریتانى ئاماژه ب وێ چهندێ كریه كو ئیسرائیلێ 6 ملیار دۆلار ژ بۆ دابینكرنا تێچوویێن شهڕێ ل غهزه قهڕكرینه.
فاینانشیال تایمز دیاركریه؛ ئیسرائیلێ د حهفتیێن بۆرى دا 6 ملیار دۆلار ژ بۆ پارهداركرنا شهڕێ ل غهزه قهڕكرینه.
خۆیا ژى كریه "ئیسرائیل نهچاربوویه رێژهیێن قازانجێ یێن بلند ب شێوهیهكێ نهسرۆشتى بدهت ههتا شیاى پارهى قهڕ بكهت".
ژ لایێ خۆڤه، دهستهیا پهخشكرنێ یا ئیسرائیلێ راگههاندیه كو وهزارهتا بهرگریێ هزر د كێمكرنا ژمارهیا سهربازان د هێزێن یهدهك دا دكهت.
ئهو چهنده ژى دیاركریه كو وهزارهتا بهرگریێ هزر د ژكارلادانا هندهك سهربازان دا دكهت چونكى تێچوویێن سهربازیێ یێن وان ههیڤانه دگههنه 1.3 ملیار دۆلاران.
ههر ژ 7ى ئوكتۆبهرا بۆرى، شهڕێ حهماس و ئیسرائیلێ بهردهوامه و تێدا پتر ژ 12 هزار فلهستینیان ههروهسا 1200 ئیسرائیلیان گیانێ خۆ ژدهستداینه و ب هزاران كهس بریندار بووینه زێدهبارى زیانێن ئابوورى یێن مهزن یێن شهرى بۆ ههردو لایان.
