گاڤ

رۆژنامەیەکا ئەمریکى ئاماژە دایە پەیدابوونا ناکۆکیان دناڤبەرا سەرۆکێ ئەمریکا و سەرۆکوەزیرێ ئیسرائیلێ دا ژ بەر شەڕێ ل غەزە.

رۆژنامەیا وول ستریت جۆرنال یا ئەمریکى دیارکریە؛ گۆتوبێژێن دناڤبەرا بایدن و نەتەنیاهۆى دا پتر گرژى کەفتینێ ژ بەر رەتکرنا نەتەنیاهۆى بۆ ئاگربەستان بۆ دەمێن درێژتر.

رۆژنامەیێ ژ هندەک بەرپرسێن ئەمریکى ڤەگوهاستیە "ئەمریکا نیگەرانە ژ ژمارەیا قۆربانیێن فلەستینى و ژ پلانێن ئیسرائیلێ یێن دویماهیێ بۆ غەزە".

هەر ل گۆرەى وان بەرپرسان "کارگێریا بایدن د بزاڤان دایە ژ بۆ رازیکرنا نەتەنیاهۆى ژ بۆ ئالۆزنەکرنا پتر یا رەوشێ".

ژێدەران دیارکرینە کو واشنتۆن نەرازیبوونا خۆ گەهاندیە ئیسرائیلێ ل سەر ژمارەیا قۆربانیێن مەدەنى ل غەزە.

کارگێریا بایدن ژ دەرئەنجامێن پێشکێشکرنا پشتەڤانیا تەمام بۆ ئیسرائیلێ نیگەرانە ل گۆرەى وان ژێدەران.