گاڤ

مەزنترین هێرشا مووشەکى هەر ژ پشتى رۆژا ئێکێ یا دەستپێکرنا شەڕێ حەماس و ئیسرائیلێ ل 7ى ئۆکتۆبەرا بۆرى ل ئەڤ شەڤە ژ کەرتێ غەزە ل سەر تێل ئەڤیڤ ل ئیسرائیلێ هاتە کرن.

ل گۆرەى ئاژانسێن نووچەیان؛ هێرشەکا مووشەکى یا بەرفرەهـ ل سەر تێل ئەڤیڤێ ل ئەڤ شەڤە هاتە کرن کو دبیتە مەزنترین هێرش هەر ژ دەمێ هێرشا مووشەکى یا رۆژا ئێکێ یا شەڕى.

زەنگێن هەوارهاتنێ ل تێل ئەڤیڤ و دەوروبەرێن وێ و ژمارەیەکا باژێڕکان هاتنە لێدان.

راپۆرتان هەتا نوکە ئاماژە نەداینە زیانێن ژ بەر مووشەکبارانێ پەیدابووین.

هەر ئەڤرۆ دوشەمبیێ حزبوللا ب سێ درۆنان هێرشى ئیسرائیلێ کر و د بەرانبەر دا ئیسرائیلێ ئارمانجکرنا ژێرخانەیا حزبوللا ب رێکا چەند هێرشان راگەهاند.