گاڤ

پەرلەمانێ ئیراقێ ئەڤرۆ دوشەمبیێ نڤیسارەک ئاراستەى کۆمیسیۆنا بلند یا سەربخۆ یا هەلبژارتنان ل ئیراقێ ژ بۆ دیارکرنا پێگوهۆڕی محەمەد حەلبووسى ژ بۆ ئەندامەتیا پەرلەمانى کریە.

د نڤیسارەکا پەرلەمانێ ئیراقێ ئاراستەى کۆمیسیۆنا هەلبژارتنان دا کرى هاتیە "ب پشتبەستن ب ماددەیا 15/ پێنج ژ یاسایا هەلبژارتنێن جڤاتا نوینەرێن ئیراقێ ژمارە 9 یا سالا 2020، ناڤێ وى بەربژارى یێ پترین دەنگ ژ ناڤ بەربژارێن دۆڕاندى د هەلبژارتنان دا ل بازنەیێ هەلبژارتنان یێ ئێکێ / پارێزگەها ئەنبار بدەستڤەئیناین ب لەز بدەنە مە، هوین وەک لایەنێ شولەژێ ب وى کارى".

دادگەها فیدرالى یا ئیراقێ ل سێشەمبیا بۆرى بڕیارا ب دویماهیک ئینانا ئەرکێ پەرلەمانتاریێ یێ محەمەد حەلبووسى پشتى سکالایەکا پەرلەمانتارێ بەرێ لەیس دلێمى دابوو.