گاڤ

راهێنەرێ هەلبژارتیێ ئیراقێ دیارکر کو یاریا سوبەهى ل گەل ڤێتنامێ یا ب زەحمەتە و دیرۆک نەیا گرنگە بۆ ڤان یاریان.

هەلبژارتیێ ئیراقێ سوبەهى سێشەمبیێ د گەڕا دوێ ژ یاریێن کۆما خۆ د ڤاڤارتنێن موندیالا 2026 و جاما ئاسیا یا 2027 دا ل هانۆى پایتەختێ ڤێتنامێ دێ یاریێ ل گەل ڤێتنامێ کەت، هەردو هەلبژارتیان سێ خال هەنە و هەر ئێک ژ ئیندۆنیسیا و فلیپین چ خال نین پشتى هەر هەلبژارتیەکێ یاریەک تا نوکە کرى.

خێسۆس کاساس ئەڤرۆ دیارکر "یاریا ل گەل ڤێتنامێ ل هانۆى یا ب زەحمەتە، ڤێتنام هەلبژارتیەکێ رێکخستی و ب هێزە، يارى بۆ هەردو هەلبژارتیان دێ یا ب زەحمەت بیت و ب تایبەت پشتى هەردویان سەرکەفتن د گەڕا ئێکێ دا تۆمارکرین".

گۆت ژى "هەر هەلبژارتیەکێ سەرکەفتن دڤێت و دیرۆک بۆ ڤان یاریان نەیا گرنگە".

زێدە ژى کر: ئەم ژ بۆ سەرکەفتنێ د هەر یاریەکێ دا کار دکەین و ئارمانجا مە سەرکەفتنە د یاریا سوبەهى دا.

ل دۆر هەلبژارتیێ ڤێتنامێ گۆت "ئەز یێ داخبارم ب ئاستێ ڤێتنامێ و یاریکەرێن وێ د باشن و جەماوەرێ وێ هێزەکا پتر ددەتە وان دەمێ ل یاریگەها خۆ یاریێ دکەن".